3573: جس نے صبح کے وقت کہا :
ربي اللہ لا إله إلا هو عليه توکلت وهو رب العرش العظيم ما شاء اللہ کان وما لم يشأ لم يكن ولا حول ولا قوة إلا بالله العلي العظيم أشهد أن اللہ علی كل شيء قدير وأن اللہ قد أحاط بکل شيء علما أعوذ بالله الذي يمسک السماء أن تقع علی الأرض إلا بإذنه من شر کل دابة أنت آخذ بناصيتها إن ربي علی صراط مستقيم۔
میرا رب اللہ ہے اس کے سوا کوئی معبود نہیں، اسی پر میں نے بھروسہ کیا، وہی عرش عظیم کا رب ہے، جو وہ چاہتا ہے ہوجاتا ہے جو نہیں چاہتا وہ نہیں ہوتا، ہر طرح کی طاقت اور قوت اللہ ہی کے ساتھ ہے جو عالی شان اور عظمت کا مالک ہے، میں گواہی دیتا ہوں کہ اللہ ہر چیز پر قادر ہے اور اللہ نے ہر چیز کو اپنے علم کے احاطے میں کر رکھا ہے میں اسی اللہ کی پناہ مانگتا ہوں جس نے آسمان کو زمین پر گرنے سے اپنی اجازت کے بغیر روک رکھا ہے ہر جاندار کے شر سے جس کی پیشانی اے اللہ ! تیرے قبضہ میں ہے۔ بیشک میرا رب سیدھے راستے پر ہے۔ (ابن السنی عن ابی الدرداء (رض) )
پس اس شخص کو اس کی جان میں اس کے اہل میں اور اس کے مال میں کوئی ناپسندیدہ شے لاحق نہ ہوگی۔