3576: جس نے صبح کے وقت دس بار کہا : لا الہ الا اللہ وحدہ لا شریک لہ لہ الملک ولہ الحمد یحییٰ ویمیت وھو علی کل شیء قدیر۔ اللہ عزوجل اس کے لیے ایک مرتبہ پڑھنے کے بدلے میں دس نیکیاں لکھیں گے، دس برائیاں ختم فرمائیں گے، دس درجات بلند فرمائیں گے اور یہ کلمات اس کے لیے بمنزلہ دس غلاموں کے آزاد کرنے کے ہوں گے، شروع دن سے آخر دن تک اس کے لیے حفاظت کا سبب بنیں گے اور وہ اس دن کوئی ایسا (برا عمل) نہیں کرے گا جو ان پر غالب آسکے اور اگر یہ کلمات شام کو کہے تو تب بھی یہی ثواب ہے۔ (مسند احمد، السنن لسعید بن منصور، الکبیر للطبرانی عن ابی ایوب) ۔
فائدہ : اور اسی دن وہ کوئی ایسا عمل نہ کرسکے گا جو ان پر غالب آسکے یعنی ان کلمات کی برکت سے ایسے گناہوں سے سے محفوظ رہے گا جو ان کلمات کے ثواب کو باطل کردے۔