٣٦٨٨٢۔۔۔ یحییٰ بن ایوب کنانی جنہیں حضرت عمر (رض) نے ھرقل کے پاس بطور قاصد بھیجا تھا انھیں جثامہ بن مساحق بن ربیع بن ربیع بن قیس کنانی کہا جاتا تھا جثامہ (رض) کہتے ہیں میں ہرقل کے پاس بیٹھ گیا میں سمجھا تھا کہ میرے نیچے کوئی چیز۔ (کرسی یا گدی وغیرہ) نہیں لیکن کیا دیکھتا ہوں کہ میرے نیچے سونے کی کرسی ہے جب میں نے سونے کی کرسی دیکھی میں اس سے نیچے اتر گیا ہرقل ہنس پڑا اور کہا : تم اس کرسی سے کیوں اتر گئے ہو حالانکہ ہم نے یہ تمہارے اکرام کے لیے رکھی تھی۔ میں نے کہا : میں نے رسول اللہ (صلی اللہ علیہ وآلہ وسلم) کو اس جیسی اشیاء کے استعمال سے منع فرماتے سنا ہے۔ رواہ ابو نعیم