٣٦٩١٦۔۔۔ شعبی کی روایت ہے کہ جب رسول اللہ (صلی اللہ علیہ وآلہ وسلم) کے پاس جعفر (رض) کے قتل ہوجانے کی خبر پہنچی تو آپ نے جعفر (رض) کی بیوی اسماء بنت عمیس (رض) کو اپنے حال پر چھوڑ دیا حتیٰ کہ جب اسماء (رض) آنسو بہا چکیں اور حزن و ملال میں قدرے کمی واقع ہوئی تب آپ (صلی اللہ علیہ وآلہ وسلم) ان کے پاس تشریف لائے اور تعزیت کی جعفر (رض) کے بیٹوں کو اپنے پاس بلایا اور عبداللہ بن جعفر (رض) کے لیے دعا فرمائی کہ یا اللہ اس کے ہاتھ کی خرید فروخت میں برکت عطا فرما۔ چنانچہ جعفر (رض) جو چیز بھی خریدتے تھے اس میں انھیں کثیر نفع ملتا حضرت اسماء (رض) نے آپ (صلی اللہ علیہ وآلہ وسلم) سے عرض کیا : یا رسول اللہ : یہ لوگ کہتے ہیں کہ ہم مہاجرین نہیں ہیں : ارشاد فرمایا : جھوٹ بولتے ہیں : بلکہ تم نے دو ہجرتیں کی ہیں ایک نجاشی کی طرف اور دوسری میری طرف۔ (رواہ ابن ابی شیبہ)