٣٦٩٥٠۔۔۔ قاضی ابو العلاء واسطی عبداللہ بن موسیٰ سلامی الشاعر فائذ بن بکیر ابو علی مفصل بن فضل شاعر خالد بن یزید الشاعر ابو تمام حبیب بن اوس الشاعر صھیب بن ابی صھباء الشاعر، فرزدق ھمام بن غالب الشاعر عبد الرحمن بن حسان بن ثابت الشاعر کی سند سے حضرت حسان بن ثابت (رض) کی روایت ہے کہ مجھے رسول کریم (صلی اللہ علیہ وآلہ وسلم) نے فرمایا : اے حسان ! مشرکین کی ھجو میں اشعار کہو اور جبرائیل امین بھی تمہارے ساتھ ہیں۔ بلاشبہ بعض اشعار حکمت سے لبریز ہوتے ہیں نیز آپ نے فرمایا : جب میرے صحابہ (رض) اسلحہ سے لڑ رہے ہوں تم زبان سے لڑا کرو۔ (رواہ ابن عساکر)
کلام :۔۔۔ خطیب (رض) کہتے ہیں : یہ حدیث ابو العلاء سے بغداد یوں کی ایک بڑی جماعت نے حاصل کی ہے حالانکہ مجھے اس بات پر بڑا تعجب ہو رہا ہے کہ عبداللہ بن موسیٰ سلامی جو کہ اصحاب عجائب و ظرائق ہے کہ وطن ماوراء النبر کا علاقہ ہے چنانچہ وہ بخارا ، سمر قند اور ان کے مضافات میں احادیث بیان کرتا رہا ہے اور مجھے خراسان میں کوئی شخص نہیں ملا جس نے اس سے سماع حدیث کیا ہو مجھے یہ بھی معلوم نہیں کہ وہ بغداد آیا ہو، چنانچہ جب ابو العلاء نے مجھے اس کی سند سے حدیث سنائی میں سمجھا ممکن ہے سلامی حج کے لیے آیا ہو اور ابو عبداللہ بن بکیر اس سے ملے ہوں اور سماع کرلی اہو اور ان کے ساتھ ابو العلاء بھی ہوں بہرحال اسی سش و پنچ میں اس کی مرویات منظر عام پر آتی رہیں پھر ٤٢٧ ھ میں ابو عبداللہ بن بکیر کے ہاتھ کا لکھا ہوا ایک خط میرے ہاتھ لگا جس میں سند کے ساتھ شعراء کی احادیث ذکر کی ہوئی تھیں۔ اس میں ابن بکیر کے خط سے یہ سند بھی مجھے ملی : حسین بن علی بن طاھر ابو علی صبر فی ، عبداللہ بن موسیٰ سلامی الشاعر ابو علی مفضل بن فضل الشاعر اس سند سے وہی حدیث جو میں نے ابو العلاء عن السلامی کی سند سے ذکر کی ہے اسی سیاق و لفظ میں مل گئی میں نے یہ قصہ ابو القاسم تنوخی سے بیان کیا ان کی ابو العلاء سے ملاقات ہوگئی اور ان سے کہا : اے قاضی عبداللہ بن سلامی کسی سند سے احادیث روایت نہ کرو چونکہ یہ شیخ بخارا کے مضافات میں احادیث بیان کرتا رہا ہے اور بغداد میں روایت نہیں کیا۔ ابو العلاء بولے : میں نے اس اسلامی کو نہیں دیکھا، اور نہ ہی میں اسے جانتا ہوں۔ (انتھی وقد روی ھذا الحدیث ایضاً ابن عساکر)