٣٦٩٥٨۔۔۔ ابو سلمہ بن عبد الرحمن کی روایت ہے کہ جب قریش نے نبی کریم (صلی اللہ علیہ وآلہ وسلم) کی ہجو میں اشعار کہے اس سے آپ کبیدہ خاطر ہوئے اور آپ نے حضرت عبداللہ بن رواحہ سے فرمایا : قریش کی ہجو کرو چنانچہ قریش کی ہجو کی لیکن زیادہ بلیغ ہجو نہ کرسکے اور آپ (صلی اللہ علیہ وآلہ وسلم) بھی اس سے خوش نہ ہوئے آپ نے حضرت کعب بن مالک (رض) کو پیغام بھیجا کہ قریش کی ہجو کرو کعب (رض) نے بھی ہجو کی لیکن وہ بھی زیادہ بلیغانہ انداز نہ اپنا سکے اور نہ ہی آپ (صلی اللہ علیہ وآلہ وسلم) اس سے خوش ہوئے آپ (صلی اللہ علیہ وآلہ وسلم) نے حضرت حسان بن ثابت کو پیغام بھیجا حالانکہ آپ انھیں پیغام بھیجنا اچھا نہیں سمجھتے تھے جب قاصد پہنچا اس نے کہا قریش کی ھجو میں اشعار کہو کیا : وقت آگیا ہے کہ تم اس بپھرے ہوئے شیر کو پیغام بھیجو جو اپنی دم سے حملہ کرے حسان بن ثابت (رض) نے کہا : قسم اس ذات کی جس نے آپ کو مبعوث کیا ہے ؟ میں اپنی اس زبان سے ان کا بھرگس نکالوں گا پھر حسان (رض) نے اپنی زبان نکالی عائشہ (رض) کہتی ہیں : بخدا ! حسان (رض) کی زبان گویا سانپ کی زبان تھی رسول اللہ (صلی اللہ علیہ وآلہ وسلم) نے فرمایا : قریش میں میرا نسب ہے مجھے خدشہ ہے کہیں تم مجھے بھی ان میں خلط نہ کردو لہٰذا ابوبکر کے پاس جاؤ وہ قریش کے سب سے بڑے نسب دان ہیں وہ میرا نسب تمہیں الگ کرکے بتائیں گے حسان (رض) نے عرض کیا : قسم اس ذات کی جس نے آپ کو برحق مبعوث کیا ہے میں آپ کو قریش سے اس طرح نکالوں گا جس طرح آٹے سے بال نکال لیا جاتا ہے چنانچہ حسان (رض) نے قریش کی ہجو کی اور رسول اللہ (صلی اللہ علیہ وآلہ وسلم) نے ان سے فرمایا اے حسان تم نے شفا دی اور خود بھی شفاء پائی ہے (یعنی بھرپور ہجو کی ہے) ۔ (رواہ ابن عساکر)