٣٦٩٦٠۔۔۔ محمد بن سیرین کی روایت ہے کہ حضرت عمر بن خطاب (رض) جب کسی علاقہ میں اپنا گورنر مقرر کرتے آپ (رض) عہد نامہ کے طور پر کچھ بھیجے ! اے لوگو ! اپنے امیر کی بات سنو اور جب تک تمہارے ساتھ عدل و انصاف کرے اس کی اطاعت کرو چنانچہ جب حذیفہ (رض) کو مدائن کا گورنر مقرر کیا تو آپ نے لکھ بھیجا : اس کی بات سنو اور اطاعت بجالاؤ اور جو چیز تم سے مانگے اسے دو ۔ چنانچہ حذیفہ (رض) حضرت عمر (رض) سے رخصت ہوئے اور ایک گدھے پر سوار ہوئے جب کہ دوسرے گدھے پر ان کا زادراہ تھا جب آپ (رض) مدائن پہنچے تو وہاں کے شہریوں اور دیہاتیوں نے حذیفہ (رض) کا استقبال کیا حضرت حذیفہ (رض) کے ہاتھ میں ایک چپاتی اور گوشت کی ایک ہڈی تھی اور گدھے پر سوار تھے حذیفہ (رض) نے اہل مدائن کو عمر (رض) کانوشتہ عہد پڑھ کر سنایا لوگوں نے کہا : آپ جو چاہے ہم سے مانگیں ؟ حذیفہ (رض) نے فرمایا : میں تم سے اپنے لیے کھانا اور گدھوں کے لیے چارا مانگتا ہوں جب تک میں تمہارے درمیان موجود رہوں گا میں تم سے یہی مانگوں گا چنانچہ حذیفہ (رض) جتنا عرصہ اللہ تعالیٰ نے چاہا مدائن میں رہے پھر عمر (رض) نے لکھ بھیجا کہ میرے پاس آؤ جب عمر (رض) کو حذیفہ (رض) کے مدینہ پہنچ جانے کی خبر ہوئی کہ وہ ایسی جگہ ہیں جہاں انھیں دیکھتا جب عمر (رض) نے انھیں دیکھا کہ وہ اسی حال پر ہیں جس حال پر وہ یہاں سے گئے تھے ان کے پاس آئے اور ان سے چمٹ گئے اور فرمایا : تو میرا بھائی ہے اور میں تیرا بھائی ہوں۔ (رواہ ابن سعد وابن عساکر)