٣٦٩٧٩۔۔۔ حضرت واثلہ بن اسقع (رض) کہتے ہیں حضرت حجاج بن علاط (رض) کے اسلام لانے کا سبب یہ ہوا، کہ
وہ اپنی قوم کے چندسواروں کے ساتھ مکہ کی طرف عازم سفر ہوئے راستے میں انھیں وحشت زدہ خوفزدہ بیابان وادی میں رات ہوگئی ابن علاط (رض) سے ان کے ساتھیوں نے کہا اے ابوکلاب ! کھڑے ہوجاؤ اپنے لیے اور ہمارے لیے اس ڈراؤنی وادی
میں امان طلب کرو حجاج (رض) کھڑے ہوئے اور کہنے لگے۔
اعیذنفسی واعیذصحبی من کل جنی بھذا النقب حتی اؤوب سالماودکبی
میں اپنے لیے اور اپنے 6 رفقاء سفر کے لیے اس آندھی وادی میں ہر قسم کے جن سے پناہ مانگتا ہوں حتیٰ کہ میں صحیح وسالم اپنے رفقاء کے ساتھ واپس لوٹ جاؤں۔
یکایک ابن علاط (رض) نے کسی کہنے والے کو کہتے ہوئے سنا۔
یامعشرالجن والانس ان استعتم ان تنفذوا من اقطار السموات والاض فانفذوا لاتنفذون الا بسلطان
اے جنات اور انسانوں کی جماعت اگر تم طاقت رکھتے ہو کہ آسمانوں اور زمین کے اطراف سے (چھید بناکر) پار ہو جاؤ تو پار ہوجاؤ اور تم بغیر کسی صحبت کے پار نہیں جاسکتے “۔
جب مکہ پہنچے ابن علاط (رض) نے قریش کی ایک مجلس میں یہ واقعہ سنایا قریش بولے : اے ابوکلاب ، بخدا ! تم نے سچ کہا : یہ وہی کلام ہے جس کا دعویٰ محمد کرتا ہے کہ یہ اس پر نازل ہوتا ہے ؟ ابن علاط (رض) کہتے ہیں : یہ کلام میں میں نے بھی سنا اور انھوں نے بھی میرے ساتھ سنا۔ اسی اثناء میں عاص بن وائل آن پہنچا اہل مجلس نے اس سے کہا : اے ابوھشام کیا تم نے نہیں سنا کہ ابوکلاب کیا کہتا ہے ؟ وہ کیا کہتا ہے ؟ لوگوں نے اسے بھی سارا واقعہ سنایا اس نے کہا : بھلا اس نے تمہیں کیوں تعجب میں ڈالا ہے ؟ اس نے جس کسی کو وہاں سنا ہے اسی نے تو یہ کلام محمد کی زبان سے جاری کیا ہے جس نے اس قوم کو مجھ سے روک دیا ابن علاط (رض) کہتے ہیں : قریش کی گفتگو نے میری بصیرت میں اور زیادہ اضافہ کیا : میں نے نبی کریم (صلی اللہ علیہ وآلہ وسلم) کے متعلق دریافت کیا مجھے بتایا گیا کہ مکہ سے مدینہ جاچکے ہیں میں اپنی اونٹنی پر سوار ہو اور سیدھا چلتا ہوا مدینہ میں نبی کریم (صلی اللہ علیہ وآلہ وسلم) کی خدمت میں حاضر ہوا اور جو کچھ میں نے سنا اس کی آپ کو خبر کی آپ نے فرمایا : بخدا تم نے حق سنا ہے یہ میرے رب کا کلام ہے جو کہ مجھ پر نازل فرمایا ہے اے ابن علاط تم نے یقیناً حق سنا ہے میں نے عرض کیا : یارسول اللہ ! مجھے اسلام کی تعلیم دیں آپ نے مجھے کلمہ اخلاص یعنی کلمہ شہادت کی تلقین کی اور مجھے حکم دیا : اپنی قوم کے پاس چلے جاؤ اور انھیں بھی اس حق کی دعوت دو جس کی میں نے تمہیں دعوت دی ہے۔ (رواہ ابن ابی الدنیا فی ھواتف الجان وابن عساکر وفیہ ایوب بن سوید ومحمد بن عبداللہ اللیشی وھما ضعیفان)