٣٦٩٨٣۔۔۔ سعید بن مسیب اپنے والد کے واسطہ سے دادا کی روایت نقل کرتے ہیں کہ نبی کریم (صلی اللہ علیہ وآلہ وسلم) نے ان سے پوچھا : تمہارا کیا نام ہے ؟ انھوں نے جواب دیا : میرا نام حزن ہے آپ (صلی اللہ علیہ وآلہ وسلم) نے فرمایا : بلکہ تمہارا نام سہل ہے حزن (رض) نے کہا : میں اپنا نام تبدیل نہیں کروں گا چونکہ میرا نام میرے والد نے رکھا ہے۔ ابن مسیب کہتے ہیں : اس کے بعد ہمارے خاندان سے سختی ختم نہیں ہوئی۔ (رواہ ابونعیم)
فائدہ :۔۔۔ حزن کا معنی ہے سختی اور سہل کا معنی ہے آسانی حدیث سے معلوم ہوا اگر کسی کا نام اچھا نہ ہوبدل دینا چاہیے نیز معلوم ہوا کہ شخصیت پر نام کا بھی گہرا اثر ہوتا ہے۔ اس لیے والدین پر واجب ہے کہ وہ اولاد کا اچھا نام رکھیں ۔