٣٦٩٩٥۔۔۔ حضرت عمران بن حصین اپنے والد سے روایت نقل کرتے ہیں کہ وہ نبی کریم (صلی اللہ علیہ وآلہ وسلم) کی خدمت میں حاضر ہوئے اور عرض کیا : یامحمد ! عبدالمطلب اپنی قوم کے لیے تم سے بہتر تھا چونکہ وہ اپنی قوم کو جانوروں کا دل اور کوہان کھلاتا تھا جب کہ تم نے اپنی قوم ذبح کردی ہے۔ نبی کریم (صلی اللہ علیہ وآلہ وسلم) نے فرمایا : اللہ تعالیٰ جو چاہتا ہے کرتا ہے حصین (رض) نے عرض کیا : آپ مجھے کیا حکم دیتے میں کہ میں کیا کہوں ؟ فرمایا : کہو : یا اللہ مجھے نفس کے شر سے بچا اور شدوہدایت کے راستے پر مجھے چلا میں نے عرض کیا : میں ابھی کیا کہوں فرمایا : کہو یا اللہ میرے وہ گناہ مجھے بخش دے جو میں نے پوشیدہ کئے جو اعلانیہ کئے جو مجھ سے بھول چوک ہوئی جو میں نے جان بوجھ کر کئے جو میں جانتا ہوں اور جن سے میں ناواقف ہوں (رواہ ابونعیم)