٣٦٩٩٨۔۔۔ زیال بن عبیدہ نے حنظلہ سے یہ سنا کہ حنفیہ نے اپنے بیٹے حذیم سے کہا : اپنی اولد کو بلاؤ میں ان کو کچھ وصیت کرنا چاہتا ہوں ، انھوں نے اپنے بیٹوں کو جمع کرلیا اور کہا : اے والد محترم ! سب موجود ہیں حنفیہ بولے : میری پہلی وصیت یہ ہے کہ وہ سو اونٹ جو کہ عہد جاہلیت میں مطیہ کہلاتے تھے ضرمس بن قطسیفہ نامی یتیم کے لیے بطور صدقہ سے حذیمم نے عرض کیا ابا جان ! میں نے اپنے بیٹوں کے متعلق یہ سنا ہے کہ اپنے والد کے سامنے اس کا اقرار کرلیتے ہیں اور اس کی وفات کے بعد آپس ہی میں تقسیم کرلیں گے اور اپنی طرح اس یتیم کو بھی حصہ دیں گے اس پر حنفیہ بولے : کیا تم نے یہ بات خود ان سھے سنی ہے ؟ بولے : ہاں فرمایا : میرے اور تمہارے درمیان نبی کریم (صلی اللہ علیہ وآلہ وسلم) فیصلہ کریں گے چنانچہ ہم آپ (صلی اللہ علیہ وآلہ وسلم) کی خدمت اقدس میں حاضر ہوئے آپ تشریف فرما تھے فرمایا : یہ آنے والے لوگ کون ہیں ؟ صحابہ (رض) نے جواب دیا : یہ اونٹوں والے حنفیہ ہیں جن کے سب سے زیادہ اونٹ جنگل میں چرتے ہیں پوچھا ان کے دائیں اور بائیں کون ہیں صحابہ (رض) نے عرض کیا : دائیں جانب تو ان کے بڑے صاحبزادے حذیم ہیں اور بائیں جانب نہ معلوم کون ہے۔
پھر فرماتے ہیں : جب ہم حضور (صلی اللہ علیہ وآلہ وسلم) کے پاس پہنچے حنفیہ نے سلام کیا تو آپ نے فرمایا : کیسے تشریف لائے ہو ؟ حنفیہ بولے : مجھے یہ لوگ لائے ہیں اور انھوں نے حذیم کی ران پر ہاتھ مارا ان کی طرف اشارہ کیا آپ (صلی اللہ علیہ وآلہ وسلم) نے فرمایا : کیا یہ حذیم نہیں ؟ عرض کیا : جی ہاں یہ حذیم ہی ہے حنفیہ (رض) نے عرض کیا : یارسول اللہ ! اللہ تعالیٰ نے مجھے کافی مال عطا کیا ہے میرے پاس ایک ہزار اونٹوں اور چالیس گھوڑوں کے علاوہ بہت سا مال گھروں میں پڑا ہے اور مجھے یہ خوف ہے ہ میں اللہ تعالیٰ کے حقوق ادا کیے بغیر مرنہ جاؤں چنانچہ میں نے سو اونٹ جو عہد جاہلیت میں مطیبہ (پاک اونٹ) کہلاتے تھے میں نے اپنے پروردہ یتیم کو صدقہ کرنے کی وصیت کرنے کا ارادہ کیا تو میں نے دیکھا کہ نبی کریم (صلی اللہ علیہ وآلہ وسلم) کے چہرہ اقدس پر غصہ کے اثرات نمایاں ہوگے ہیں پھر گھٹنوں کے بل گئے اور فرمایا : لاالہ اللہ جانوروں کا صدقہ پانچ رونہ دس پندہ ورنہ بیس ورنہ پچیس ورنہ تیس اور زیادہ چالیس کا ہوتا ہے چنانچہ حنفیہ نے جب یہ سنا تو فورا بولے : یارسول اللہ ! اس مطیبہ میں سے چالس اونٹ یتیم کو دے دیئے جائیں آپ (صلی اللہ علیہ وآلہ وسلم) نے چالیس اونٹوں کی اجازت دے دی پھر آپ نے پوچھا ابوحذیم ! تمہارا یتیم کہاں ہے ؟ وہ یتیم بالغ شیخ کے مشابہ تھا۔ فرمایا : یہ یتیم تو اچھا خاصا ہڈی والا ہے پھر حنفیہ اور ان کے بیٹے اٹھ کر اپنے اونٹوں کے پاس چلے گئے مزید فرماتے ہیں کہ جاتے جاتے حذیم نے کہا : یارسول اللہ ! میری اولاد میں ڈاڑھی والے اور امردونوں ہیں یارسول اللہ آپ اس حنظلہ (رض) (حنظلہ کہتے ہیں : میں سب سے چھوٹا تھا) کے لیے دعائے خیر کردیں آپ (صلی اللہ علیہ وآلہ وسلم) نے فرمایا : بیٹا میرے پاس آؤ چنانچہ حضرت حنظلہ (رض) آپ (صلی اللہ علیہ وآلہ وسلم) کے قریب ہوگئے آپ نے ان کے سر پر دست اقدس رکھا اور یہ دعا کی : اللہ تعالیٰ تمہیں برکت دے ذیال کہتے ہیں : میں نے اس کے بعد دیکھا کہ حنظلہ (رض) کے پاس کوئی ورم زرہ مرد کیا روم زدہ تھنوں والی بکری لائی جاتی آپ اپنے ہاتھوں پر تھتھکارتے اور پھر ہاتھوں کو ورم پر پھیرتے اور یہ دعا پڑھتے ، بسم اللہ علی اثرید رسول اللہ (صلی اللہ علیہ وآلہ وسلم) ورم بالکل ٹھیک ہوجاتا۔ (رواہ احمد بن حنبل والحسن ابن سفیان و یعقوب بن سفیان وابویعلی والمخجنیقی فی مسندہ والبغوی والباوردی وابن قائع والطبرانی و ابونعیم والضیاء)