٣٧٠٠٩۔۔۔ محمودبن لبید کہتے ہیں : جب رسول اللہ (صلی اللہ علیہ وآلہ وسلم) احد کی طرف تشریف لے گئے تو حسیل۔ (اور وہ یمان حضرت حذیفہ بن یمان کے والد ہیں) اور ثابت بن وقش زعوراء عورتوں اور بچوں کے ساتھ ایک اونچے ٹیلے پر چڑھ گئے وہ آپس میں کہنے لگے (یہ دونوں بوڑھے تھے) تمہارا باپ نہ رہے ! کیا دیکھتے نہیں ہو اللہ کی قسم (اسلام میں داخل ہونے کے لیے) ہم میں سے کسی کے لیے وقت نہیں رہا مگر ا تباہی جتنا وقت پیاسے گدھے کو پانی دیکھ کر لگتا ہے (ہم بوڑھے ہوچکے ہیں) آج مرے یا کل لہٰذا ہمیں اپنی تلواریں پکڑلینی چاہئیں اور پھر ہمیں رسول اللہ (صلی اللہ علیہ وآلہ وسلم) کی خدمت اقدس میں حاضر ہوجانا چاہے شاید اللہ تعالیٰ ہمیں رسول اللہ (صلی اللہ علیہ وآلہ وسلم) کے ساتھ شہادت نصیب فرمادے چنانچہ دونوں حضرات نے اپنی تلواریں لیں اور لوگوں میں گھس گئے حالانکہ ان کا کسی کو علم نہیں تھا، رہی بات حضرت ثابت بن وقش (رض) کی سوا نہیں مشرکین نے قتل کردیا رہی بات حسیل (رض) کی انپر مسلمانوں کے تیروں کی اندھادھند بارش برسی حالانکہ مسلمانوں کو ان کا علم نہیں تھا۔ یوں وہ مسلمانوں کے ہاتھوں شہید ہوئے حضرت حذیفہ (رض) بولے : یہ میرے والد ہیں مسلمانوں نے کہا : بخدا اگر ہم انھیں پہچانتے حذیفہ (رض) نے کہا : اللہ تعالیٰ تمہاری مغفرت کرے اور وہ ارحم الرحمین ہے رسول اللہ (صلی اللہ علیہ وآلہ وسلم) نے حذیفہ (رض) کو دیت دینی چاہی حذیفہ (رض) نے دیت مسلمانوں کو صدقہ کردی ( اور لینے سے انکار کردیا) چنانچہ رسول اللہ (صلی اللہ علیہ وآلہ وسلم) کے ہاں انھیں خیروبھلائی میں دن دگنی رات چگنی ترقی ملتی رہی۔ (رواہ ابونعیم)