٣٧٠٣٥۔۔۔ موسیٰ بن عقبہ کہتے ہیں میں نے ام خالد بنت خالد بن سعید بن العا کو کہتے ہیں سنا کہ : نبی کریم (صلی اللہ علیہ وآلہ وسلم) کی بعثت سے قبل ایک رات خالد بن سعید (رض) سو رہے تھے خالد (رض) فرماتے ہیں میں نے خواب دیکھا گویا فرشتے خلا میں اس قدر چھائے ہوئے ہیں کہ تاریکی ہی تاریکی ہوگئی ہے حتیٰ کہ آدمی اپنی کف دست بھی نہیں دیکھ سکتا اسی اثناء میں ایک نور آسمان میں بندہو پہلے بیت اللہ میں چمکا پھر اس نے پورے مکہ کو روشنی سے جگمگادیا پھر بخدا یثرب تک اس کی روشنی پھیل گئی حتیٰ کہ اس روشنی میں کھجور کے درختوں پر کھجوروں کے دانے دیکھ سکتا تھا میں پیدا ہوگیا اور سارا ماجرا اپنے بھائی عمروبن سعید کو کہہ سنایا میرا بھائی صاحب رائے انسان تھا بھائی نے کہا : یہ کوئی عظیم تر معاملہ ہے جس کا ظہور بنی عبدالمطلب میں ہونے والا ہے ، کیا تم نہیں دیکھتے کہ ان کے باپ کے کھودے ہوئے گھڑے سے اس کا ظہور ہوا ہے خالد (رض) کہتے ہیں : اس خواب کے ذریعے اللہ تعالیٰ نے مجھے اسلام کی ہدایت سے بہرہ مند کیا۔ ام خالد کہتی ہیں : سب سے پہلا اسلام قبول کرنے والے میرے والد ہیں چونکہ میرے والد نے رسول اللہ (صلی اللہ علیہ وآلہ وسلم) سے اپنا خواب بیان کیا آپ نے فرمایا : اے خالد ! اللہ کی قسم یہ نور میں ہی ہوں میں ہی اللہ کا رسول ہوں۔ رسول اللہ (صلی اللہ علیہ وآلہ وسلم) نے خالد (رض) کو اسلام کا تعارف کرایا خالد (رض) نے اسلام قبول کرلیاجب کہ ان کے بھائی عمرو (رض) نے ان کے بعد اسلام قبول کیا ہے (رواہ الدار قطنی فی الافراد وابن عساکر)