٣٧٠٥٦۔۔۔ حضرت زید بن ثابت (رض) سے مروی ہے کہ جب نبی کریم (صلی اللہ علیہ وآلہ وسلم) مدینہ تشریف لائے مجھے آپ کی خدمت میں حاضر کیا : لوگوں نے عرض کیا : یارسول اللہ ! یہ لڑکا بنی نجار سے ہے اور اس نے آپ کے اوپر نازل ہونے والے قرآن میں سے ستر سورتیں حفظ کرلی ہیں میں نے رسول اللہ (صلی اللہ علیہ وآلہ وسلم) کو وہ سورتیں سنائیں آپ (صلی اللہ علیہ وآلہ وسلم) کو اس چیز نے بہت خوش کیا اور فرمایا : اے زید ! یہودیوں کی کتاب سیکھ لو میں نے تم سے ایک کام لینا ہے اللہ کی قسم میں یہودیوں پر بھروسہ نہیں کرتا کہ وہ میری کتاب پر ایمان لائیں گے میں نے نصف مہینہ میں ان کی کتاب پڑھ کر اچھی خاصی مہارت پیدا کرلی چنانچہ جب بھی یہودیوں کو خط لکھنا ہوتا میں ہی رسول اللہ (صلی اللہ علیہ وآلہ وسلم) کے لیے خط لکھتا تھا اور جب یہودی آپ کو خط لکھتے ہیں میں ہی ان کے خطوط پڑھتا تھا۔ (رواہ یعلی وابن عساکر)