٣٧٠٨٨۔۔۔” ابن ابی شیبۃ یزید بن ہارون، محمد بن عمرو اپنے والد اور دادا سے وہ علقمہ بن وقاص سے حضرت عائشہ (رض) کی روایت نقل کرتے ہیں وہ کہتی ہیں : میں غزوہ خندق کے دن لوگوں کے پاؤں کے نشانات پر ان کے پیچھے پیچھے چلنے لگے میں نے اپنے پیچھے پاؤں کی چاپ سنی میں پیچھے جو مڑ کر دیکھا کیا دیکھتی ہوں کہ میرے پیچھے حضرت سعد بن معاذ (رض) آرہے ہیں اور ان کے ساتھ ان کے بھتیجے حارث بن اوبن ہیں حارث نے سعد بن معاذ (رض) کی ڈھال اٹھا رکھی ہے۔ میں انھیں دیکھ کر زمین کے ساتھ چپک کر بیٹھ گئی حضرت سعد (رض) گزرگئے سعد (رض) نے زرہ پہن رکھی تھی جس کے اطراف باہر نکلے دکھائی دیتے تھے مجھے ان کے اطراف سے ڈرلگا : چونکہ سعد (رض) لوگوں میں بڑے اور طویل القامت تھے وہ یہ رجز پڑھتے ہوئے میرے پاس سے گزرے۔
لث قلیلا یدرک الھیجا حمل مااحسن الموت اذا حان الاجل
تھوڑی دیر ٹھہرجا جنگ بوجھ کو پالے گی جب اجل قریب ہوجائے اس وقت موت کتنی اچھی ہوتی ہے اٹھ کر قریب ہی ایک باغیچے میں جاگھسی اس میں مسلمانوں کی ایک جماعت موجود تھی ان میں عمر بن خطاب (رض) بھی تھے ایک اور شخص بھی تھا جس نے جنگی ٹوپی (خود) پہن رکھا تھا عمر (رض) نے مجھے دیکھ کر فرمایا : تمہارا ناس ہو تم کیوں آئی ہو (تین بارکہا) تو ضد کرکے آگئی ہے کیا معلوم سخت معرکہ آرائی ہو ایسی حالت میں تمہیں کون امن فراہم کرے گا۔ عمر (رض) مجھے ملامت کرتے رہے حتیٰ کہ میں تمنا کرنے لگی کہ زمین پھٹ جائے اور میں اس میں دھنس جاؤں دوسرے شخص نے خود سر سے اوپر اٹھایا کیا دیکھتی ہوں کہ وہ طلحہ بن عبیداللہ (رض) ہیں، وہ بولے : اے عمر ! تمہارا ناس ہو آج تم نے بہت زیادہ ملامت کردی معرکہ آرائی ہو یا فرار ہو ہر چیز کا انجام اللہ ہی کی طرف ہے حضرت عائشہ (رض) کہتی ہیں : حضرت سعد بن معاذ (رض) کو مشرکین قریش میں سے ایک شخص نے تیرمارا اس شخص کا نام حباب بن عرق تھا تیرمارتے وقت اس نے کہا : یہ لو میں ابن عرقہ ہوں چنانچہ حضرت سعد (رض) کے بازو کی رگ پر لگا انھوں نے رب تعالیٰ سے دعا کی : یا اللہ ! مجھے موت نہ دینا تاوقیت کہ قریظہ سے میری آنکھوں کو ٹھنڈا نہ کردے بنوقریظہ جاہلیت میں سعد بن معاذ (رض) کے خلفاء اور قریبی دوست تھے سعد (رض) کے زخموں سے خون خشک ہوگیا، ادھر اللہ تعالیٰ نے مشرکین کے لشکروں پر زور کی آندھی بھیجی جس نے اندھا دھند تباہی مچادی اور یوں اللہ تعالیٰ نے جنگ میں مومنین کی کفایت کی ابوسفیان لتامہ جاپہنچا عیینہ بن بدر اور اس کے ہمراہ ہی نجد جاپہنچے جب کہ بنوقریظہ اپنے قلعوں میں جاگھ سے اور رسول اللہ (صلی اللہ علیہ وآلہ وسلم) مدینہ واپس لوٹ آئے مسجد میں حضرت بن معاذ (رض) کے لیے چھوٹا سا چبوترا بنوادیا گیا آپ (صلی اللہ علیہ وآلہ وسلم) نے اسلحہاتار دیا اتنے میں جبرائیل امین تشریف لائے اور فرمایا : کیا آپ نے اسلحہ اتاردیا ہے بخدا، فرشتوں نے ابھی تک اسلحہ نہیں اتارا ابھی ابھی بنوقریظہ کی خبر لینے جائیں اور ان کا قتل عام کریں نبی کریم (صلی اللہ علیہ وآلہ وسلم) نے مسلمانوں کو کوچ کرنے کا حکم دیا اور آپ نے اپنی زرہ زیب تن کی اور پھر بنی غنم کے پاس سے گزرے بنی غنم مسجد کے پڑوس میں آباد تھے فرمایا : تمہارے پاس سے کون گزرا ہے ؟ انھوں نے جواب دیا : ہمارے پاس سے دحیہ کلبی گزرے ہیں (جبرئیل امین دحیہ کلبی کی صورت میں حاضر ہوئے تھے) چنانچہ رسول اللہ (صلی اللہ علیہ وآلہ وسلم) مسلمانوں کے ساتھ بنی قریظہ کے پاس جاپہنچے اور پچیس دن تک ان کا محاصرہ جاری رکھا چنانچہ جب بنی قریظہ پر سختی زیادہ ہوگئی اور وہ مشقت سے د دوچار ہوگئے ان سے کہا گیا : رسول اللہ (صلی اللہ علیہ وآلہ وسلم) کے حکم پر قلعوں سے نیچے اترآؤ بنوقریظہ نے اشارہ کرکے حضرت ابولبابہ (رض) سے اپنے فیصلہ کے متعلق پوچھا : ابولبابہ (رض) نے ہاتھ سے ذبح کی طرف اشارہ کیا بنوقریظہ نے مطالبہ پیش کیا کہ ہم سعد بن معاذ کے فیصلہ پر قلعوں سے نیچے اتریں گے وہ ہمارے متعلق جو فیصلہ بھی کردیں رسول اللہ (صلی اللہ علیہ وآلہ وسلم) فرمایا : ٹھیک ہے سعد بن معاذ کے فیصلے پر ہی آؤ چنانچہ بنی قریظہ قلعوں سے اتر کے نیچے آگئے رسول اللہ (صلی اللہ علیہ وآلہ وسلم) نے سعد (رض) کو پیغام بھیجا چنانچہ سعد (رض) پالان ڈالے ہوئے گدھے پر سوار کیے گئے سعد (رض) کی قوم کے لوگ ان کے فیصلہ کو اور نظر سے دیکھنے لگے اور کہنے لگے : بنوقریظہ آپ کے حلیف اور دوست ہیں آپ کو معلوم ہے کہ ان کی طرف کسی چیز نے نہیں لوٹنا۔ حتیٰ کہ جب قریب پہنچ گئے اپنی قوم کی طرف متوجہ ہو کر فرمایا : سعد کے کفن کا وقت قریب ہوچکا ہے اور وہ اللہ تعالیٰ کے معاملہ میں کسی ملامت گر کی ملامت سے نہیں ڈرے گا، جب سعد (رض) سامنے سے نمودار ہوئے رسول اللہ (صلی اللہ علیہ وآلہ وسلم) نے فرمایا : اپنے سردار کے لیے کھڑے ہوجاؤ اور اسے پالان سے نیچے اتارو۔ حضرت عمر (رض) نے فرمایا : ہمارا سردار تو اللہ ہے۔ فرمایا : اسے ط نیچے اتاروں چنانچہ صحابہ (رض) نے سعد (رض) کو نیچے اتارا سعد (رض) نے کہا : یارسول اللہ (صلی اللہ علیہ وآلہ وسلم) ! میں بنی قریظہ کے متعلق یہ فیصلہ کرتا ہوں کہ ان کے فوجیوں اور جنگجوؤں کو قتل کیا جائے ان کی اولاد کو قیدی بنالیا جائے اور ان کے اموال مسلمانوں میں تقسیم کردیئے جائیں۔ رسول اللہ (صلی اللہ علیہ وآلہ وسلم) نے فرمایا : تم نے اللہ اور اس کے رسول کے فیصلہ کے مطابق فیصلہ کیا ہے پھر سعد (رض) نے دعا کی : یا اللہ ! اگر تو نے اپنے نبی کے لیے قریش کے ساتھ کسی لڑائی کو باقی رکھا ہے تو اس کے لیے مجھے بھی زندہ رکھ اور اگر تو نے قریش اور نبی کریم (صلی اللہ علیہ وآلہ وسلم) کے درمیان جنگ کے سلسلہ کو ختم کردیا ہے تو مجھے اپنے پاس بلالے۔ چنانچہ حضرت سعد (رض) کے زخم ازسر نوتازہ ہو کر پھوٹ پڑے جب کہ زخم مندمل ہوچکے تھے اور صرف بندے کے برابر مندمل ہونے کو رہ گیا تھا رسول اللہ (صلی اللہ علیہ وآلہ وسلم) واپس لوٹ آئے اور سعد (رض) اپنے چبوترے میں واپس لوٹ گئے جو رسول اللہ (صلی اللہ علیہ وآلہ وسلم) نے ان کے لیے لگوار رکھا تھا حضرت عائشہ (رض) کہتی ہیں جیسا کہ اللہ تعالیٰ نے صحابہ (رض) کے بارے میں فرمایا ہے ” رحماء بینھم “ صحابہ آپس میں مہربان ہیں “ چنانچہ اس کی زندہ تفسیر دیکھنے کو ملی جو حضرت سعد بن معاذ (رض) کے پاس رسول اللہ (صلی اللہ علیہ وآلہ وسلم) ابوبکر (رض) اور عمر (رض) حاضر ہوئے علقمہ کہتے ہیں میں نے حضرت عائشہ (رض) سے پوچھا : اے امی جان ! اس موقع پر رسول اللہ (صلی اللہ علیہ وآلہ وسلم) کیا کرتے تھے عائشہ (رض) نے فرمایا : کسی شخص کی موت پر عام طور پر آپ (صلی اللہ علیہ وآلہ وسلم) کے آنکھ سے آنسو نہیں بہتے تھے لیکن جب آپ کو شدیدغم لاحق ہوتا آپ اپنی داڑھی مٹھی میں پکڑلیتے تھے۔
محمد عمرو کہتے ہیں مجھے عاصم بن عمربن قتادہ نے حدیث سنائی ہے کہ جب شام کے وقت رسول اللہ (صلی اللہ علیہ وآلہ وسلم)
سوگئے آپ کے پاس جبرائیل امین تشریف لائے اور فرمایا : آج رات آپ کی امت میں سے ایک شخص مرا ہے جس کی موت پر اہل آسمان خوشیاں منا رہے ہیں رسول اللہ (صلی اللہ علیہ وآلہ وسلم) نے فرمایا : ہو نہ ہو وہ سعدبن معاذ ہی ہوگا چونکہ وہ شام کو سخت مرض میں مبتلا تھے آپ نے صحابہ (رض) سے پوچھا : سعد کا کیا بنا ؟ صحابہ (رض) نے عرض کیا : یارسول اللہ وہ اللہ کو پیارے ہوچکے ہیں۔ سعد (رض) کی قوم کے لوگ آئے اور انھیں اپنے گھر لے گئے رسول اللہ (صلی اللہ علیہ وآلہ وسلم) نے فجر کی نماز ادا کی اور پھر صحابہ سعد (رض) کی طرف چل پڑے۔ رسول اللہ (صلی اللہ علیہ وآلہ وسلم) صحابہ کے ساتھ تیزتیز چلنے لگے حتیٰ کہ جوتوں میں پڑے ہوئے تسمے ٹوٹنے لگے اور کاندھوں سے چادریں نیچے گرنے لگیں ایک شخص بولا : یارسول اللہ ! آپ لوگوں کو کیوں تیزتیز لے کر چل رہے ہیں : ارشاد فرمایا : مجھے ڈرے کہیں فرشتے ہم سے آگے نہ بڑھ جائیں جیسا کہ حنظلہ کی طرف فرشتے ہم سے آگے بڑھ گئے تھے۔
محمد کہتے ہیں مجھے اشعث بن اسحاق نے خبر کی ہے کہ جب رسول اللہ (صلی اللہ علیہ وآلہ وسلم) حضرت سعد کے پاس پہنچے انھیں غسل دیا جارہا تھا بیٹھے بیٹھے رسول اللہ (صلی اللہ علیہ وآلہ وسلم) نے مجلس میں اپنے گھٹنے سکیڑ دیئے اور فرمایا : ایک فرشتہ داخل ہوا ہے جس کے مجلس میں جگہ نہیں تھی اس لیے میں نے گھنٹے سکیڑ کر اس کے لیے گنجائش پیدا کی ہے حضرت سعد بن معاذ (رض) کی والدہ رورہی تھیں اور ان کی زبان پر یہ اشعار تھے :
ویل ام سعد سعدا
براعۃ ونجدا
بعدا یادیالہ ومجدا
مقدماسدبہ مسدا
ہلاکت ہے ام سعد کے لیے سعد کی وفات پر جو علم وفضل اور بزرگی میں اکمل ہے ایاد کے بعد بزرگی اور فضلیف کا اس نے دروازہ بند کردیا ہے۔
محمد کہتے ہیں : ہمارے اصحاب میں سے بعض لوگوں کا کہنا ہے : جب رسول اللہ (صلی اللہ علیہ وآلہ وسلم) حضرت سعد (رض) کے جنازہ کے ساتھ نکلے منافقین میں سے کچھ لوگ کہنے لگے : سعد کا جنازہ کس قدر ہلکا پھلکا ہے۔ محمد کہتے ہیں مجھے سعد بن ابراہیم نے حدیث سنائی ہے کہ جس دن حضرت سعد (رض) سے رخصت ہوئے رسول اللہ (صلی اللہ علیہ وآلہ وسلم) نے فرمایا : سعد بن معاذ (رض) کے جنازہ میں شرکت کرنے کے لیے ستر ہزار فرشتے آسمان سے زمین پر اترے ہیں قبل ازیں اتنی تعداد میں فرشتے زمین پر نہیں اترے۔ محمد کہتے ہیں میں نے اسماعیل بن محمد بن سعد کو کہتے سنا دراں حالیکہ ہم واقد بن عمرو بن سعد بن معاذ کو دفنا رہے تھے وہ بولے : کیا میں تمہیں اپنے بزرگوں کی بیان کردہ حدیث نہ سناؤں جس دن سعد بن معاذ (رض) کی وفات ہوئی رسول اللہ (صلی اللہ علیہ وآلہ وسلم) نے فرمایا : سعد کے جنازہ میں ستر ہزار (٧٠) ہزار فرشتے شریک ہوئے ہیں جب کہ قبل ازیں اتنی تعداد میں فرشتے زمین پر نہیں اترے حضرت عائشہ (رض) کہتی ہیں : رسول اللہ (صلی اللہ علیہ وآلہ وسلم) اور آپ کے صاحبین ابوبکر (رض) عمر (رض) کے بعد مسلمان سب سے زیادہ سعد بن معاذ (رض) کی کمی محسوس کرتے تھے محمد کہتے ہیں : محمد بن منکدرمحمد بن شرحبیل سے روایت نقل کرتے ہیں کہ ایک شخص نے حضرت سعد (رض) کی قبر سے مٹی اٹھائی اور اسے سونگھا چنانچہ مٹی سے خوشبو آرہی تھی محمد کہتے ہیں : مجھے واقد بن عمرو بن سعد نے بتایا ہے۔ (واقد خوبصورت اور درازقدانسان تھے) کہ میں حضرت انس (رض) کے پاس گیا مجھ سے پوچھا : تو کون ہے ؟ میں نے جواب دیا میں واقد بن عمروبنج سعد بن معاذ ہوں حضرت انس (رض) بولے : اللہ تعالیٰ سعد پر رحم فرمائے بلاشبہ تو سعد کے مشابہ ہے پھر کہا : اللہ تعالیٰ سعد پر رحم فرمائے وہ لوگوں میں سے زیادہ خوبصورت اور درازقد تھے۔ محمد کہتے ہیں : رسول اللہ (صلی اللہ علیہ وآلہ وسلم) نے اکید دومہ کی طرف ہدیہ بھیجا اس نے عالیشان ریشم کا بنا ہوا جبہ بھیجا جسے سونے کی تاروں سے اٹایا گیا تھا رسول اللہ (صلی اللہ علیہ وآلہ وسلم) نے جبہ زیب تن کیا اور منبر پر تشریف فرما ہوئے اور لوگوں سے کلام نہیں کہا : لوگ جبے سے ہاتھ مس کرتے اور تعجب کرتے نبی کریم (صلی اللہ علیہ وآلہ وسلم) نے فرمایا : کیا تتم اس جبہ سے تعجب کرتے ہو ؟ صحابہ (رض) نے جواب دیا : یارسول اللہ ! اس سے خوبصورت کپڑا ہم نے نہیں دیکھا نبی کریم (صلی اللہ علیہ وآلہ وسلم) نے فرمایا : قسم اس ذات کی جس کے قبضہ قدرت میں میری جان ہے ! جنت میں سعد بن معاذ (رض) کے رومال اس جبہ سے کہیں زیادہ خوبصورت ہیں۔ (رواہ ابونعیم)