٣٧١١٦۔۔۔ حضرت انس (رض) کہتے ہیں : ایک مرتبہ ہم رسول اللہ (صلی اللہ علیہ وآلہ وسلم) کے ساتھ بیٹھے ہوئے تھے آپ نے فرمایا : اہل جنت میں سے ایک شخص تمہارے اوپر نمودار ہونے والا ہے چنانچہ سعد (رض) نمودار ہوئے دوسرے دن بھی رسول اللہ (صلی اللہ علیہ وآلہ وسلم) نے یہی فرمایا : چنانچہ صبح کو بھی سعد (رض) اپنے مرتبہ کے ساتھ نمودار ہوئے اس کے بعد دوسرے دن بھی رسول اللہ (صلی اللہ علیہ وآلہ وسلم) نے یہی فرمایا : اور ایک بار سعد بن ابی وقاص (رض) اپنے مرتبہ میں نمودار ہوئے جب رسول اللہ (صلی اللہ علیہ وآلہ وسلم) کھڑے ہوئے عبداللہ بن عمر وبن العاص (رض) غبطہ میں آکر اٹھ کھڑے ہوئے اور کہا : میں اپنے والد کو سزوار عتاب سمجھتا ہوں اور قسم کھاتا ہوں کہ اپنے والد کے پاس تین دن تک نہیں جاؤں گا اگر آپ دیکھیں کہ میں آپ کے پاس آتا ہوں ، حتیٰ کہ میری قسم پوری ہوجائے۔ حضرت انس (رض) کہتے ہیں : عبداللہ بن عمرو (رض) کا خیال ہے کہ انھوں نے ساعد (رض) کے ساتھ ایک رات بسر کی حتیٰ کہ فجر کا وقت ہوگیا اور اپنی جگہ سے ہلے تک نہیں البتہ جب اپنے بستر پر کروٹ بدلتے اللہ کا ذکر اور تکبیر کہہ دیتے اور پھر فجر کے وقت اٹھے پورا وضو کیا اور صبح کا ناشتہ کیا (یعنی روزہ بھی نہیں رکھا) عبداللہ بن عمرو (رض) کہتے ہیں : میں تین دن تک انھیں دیکھتا رہا انھوں نے اپنے اس دستورالعمل پر مزید اضافہ نہیں کیا البتہ میں نے ان کے منہ سے خیروبھلائی کے سوا کوئی بات سنی حتی کہ جب تین راتیں گزر گئیں قریب تھا کہ میں ان کے عمل کو کمتر سمجھتا۔ میں نے کہا : میرے اور میرے والد کے درمیان غم وغضب اور ہجرت کا فرق نہیں لیکن میں نے رسول اللہ (صلی اللہ علیہ وآلہ وسلم) کو تین دن تک تین مجلسوں میں فرماتے سنا : اہل جنت میں سے ایک شخص تمہارے اوپر نمودار ہوگا اور تینوں مرتبہ آپ ہی نمودار ہوئے میں نے چاہا آپ کے پاس رات گزاروں اور آپ کا عمل دیکھوں پھر میں آپ کی اقتدار کروں لیکن میں نے آپ کا کوئی زیادہ عمل نہیں دیکھا لہٰذا آپ ہی بتائیں کس عمل نے آپ کو اس مقام تک پہنچا دیا ہے جو رسول اللہ (صلی اللہ علیہ وآلہ وسلم) نے بیان فرمایا ہے ؟ سعد (رض) بولے : مجھے تو اپنے عمل میں کوئی ایسی چیز نظر نہیں آتی البتہ میں اپنے دل میں کسی مسلمان کے لیے برا نہیں سوچتا ہوں اور نہ ہی براکہتا ہوں عبداللہ بن عمر (رض) نے کہا یہی وہ چیز ہے جس نے آپ کو اس مقام تک پہنچا دیا ہے اور بلاشبہ یہ ایسا عمل ہے جس کے بجالانے کی مجھ میں طاقت نہیں ہے۔ (رواہ ابن عساکر ورجالہ الصحیح الاان ابن شھاب حدثنی من الاانھم عن انس قلت ! حضرت سعد (رض) نے بعض فضائل تمتہ عشرہ مبشرہ میں خلفاء اربعہ کے بعد بیان ہوچکے ہیں)