٣٧١٢١۔۔۔ قتادہ اور ابن زید بن جدعان کہتے ہیں : حضرت سعد بن ابی وقاص (رض) اور حضرت سلمان فارسی (رض) کے بیچ کچھ ان بن تھی ایک مرتبہ بہت سارے صحابہ (رض) مجلس لگائے بیٹھے تھے حضرت سعد (رض) بولے : اے فلاں اپنا شجرہ نسب بیان کرو اس شخص نے اپنا نسب بیان کردیا اس کے بعد سعد (رض) ایک کے بعد دوسرے سے اس کا سلسلہ نسب پوچھتے رہے حتیٰ کہ نوبت حضرت سلمان فارسی (رض) تک پہنچی ان سے کہا : اے فلاں تو بھی اپنا سلسلہ نسب بیان کر حضرت سلمان (رض) بولے : میں اسلام میں اپنا سلسلہ نسب نہیں پہچانتا لیکن میں اپنے آپ کو سلمان ابن اسلام کہتا ہوں حضرت عمر (رض) نے فرمایا : تم جانتے ہو کہ خطاب جاہلیت میں معززترین شخص تھے اور میں عمر بن اسلام سلمان بن اسلام کا بھائی ہوں۔ (یعنی ہمارا سلسلہ نسب اسلام ہے) کیا تم نے نہیں سنا کہ ایک شخص نے جاہلیت میں اپنا نسب نو (٩) آباء گنا جب کہ ان کا دسواں دوزخ میں ہے۔ اور یہ شخص اپنا نسب اسلام میں کسی شخص سے منسوب کرتا ہے اور اوپر والوں کو چھوڑ دیتا ہے لامحالہ وہ اس کے ساتھ جنت میں ہوگا۔ (رواہ عبدالرزاق اولبھیقی فی شعب الایمان)