٣٧١٣٣۔۔۔ یزید بن ابی حبیب کی روایت ہے کہ زنباع جذامی نے اپنے غلام پر تہمت لگائی جس کی پاداش میں اس نے غلام کو خصی کرنے کا حکم دیا پھر اس کے ناک اور کان کاٹ دیئے غلام رسول اللہ (صلی اللہ علیہ وآلہ وسلم) کے پاس لایا گیا آپ نے غلام کو آزارٓد کردیا اور فرمایا : جو غلام بھی مثلہ کیا جائے وہ آزاد ہے وہ اللہ اور اس کے رسول کا آزاد کردہ غلام ہے چنانچہ یہ غلام مدینہ میں رسول اللہ (صلی اللہ علیہ وآلہ وسلم) کے پاس رہا اس سے بڑی ہمدردی کی جاتی تھی ، جب آپ (صلی اللہ علیہ وآلہ وسلم) کا مرض شدت اختیار کرتا گیا سندر (رض) نے عرض کیا : یارسول اللہ ! آپ مجھے دیکھ رہے ہیں آپ کے بعد میرا کون ہوگا ؟ رسول اللہ (صلی اللہ علیہ وآلہ وسلم) نے فرمایا : میں تمہاری ہر مومن کو وصیت کرتا ہوں ۔ جب حضرت عمر (رض) کو خلیفہ نامزد کیا گیا تو سندر (رض) ان کی خدمت میں حاضر ہوئے اور عرض کیا : رسول اللہ (صلی اللہ علیہ وآلہ وسلم) کی وصیت کی حفاظت فرمائیں ۔ عمر (رض) نے فرمایا : تم مسلمانوں کے جس لشکر کے ساتھ لاحق ہونا چاہتے ہوچلے جاؤ میں انھیں تمہارے ساتھ ہمدردی کرنے کا لکھ دوں گا۔ سندر (رض) نے کہا : میں مصر جاناجانا چاہتا ہوں۔ چنانچہ حضرت عمر (رض) نے حضرت عمر وبن العاص (رض) کو خط لکھا کہ سندرکو وسیع زمین جائیداد میں دو ۔ سند (رض) مصرہی میں رہے۔ (رواہ ابن عبدالحکیم)