٣٧١٤٠۔۔۔ جعیدبن عبدالرحمن کہتے ہیں : حضرت سائب بن یزید (رض) نے چورانوے (٩٤) سال کی عمر میں وفات پائی تادم حیات معتدل اور تگڑے رہے حضرت سائب (رض) فرماتے ہیں : میں جانتا ہوں کہ میں نے اپنے کانوں اور آنکھوں سے کتنا نفع اٹھایا ہے یہ سب نبی کریم (صلی اللہ علیہ وآلہ وسلم) کی دعا کی بدولت ہے۔ چنانچہ میری خالہ مجھے رسول اللہ (صلی اللہ علیہ وآلہ وسلم) کے پاس لے گئیں اور عرض کیا : میرے اس بھانچے کو شکایت رہتی ہے اللہ تعالیٰ سے اس کے لیے دعا کریں۔ چنانچہ آپ (صلی اللہ علیہ وآلہ وسلم) نے میرے لیے دعا فرمائی ۔ (رواہ الحسن بن سفیان وابن عساکر)