٣٧١٤٨۔۔۔ حضرت جابر بن عبداللہ (رض) سے مروی ہے کہ حضرت عمر (رض) نے حضرت صہیب (رض) سے فرمایا : اے صہیب تمہارے اندر تین خصلیتں ہیں جنہیں میں باپسند کرتا ہوں۔ صہیب (رض) نے کہا وہ کیا ہیں ؟ عمر (رض) نے فرمایا : تمہارا کھانا کھلانا جب کہ تمہارے پاس مال نہیں۔ تمہارا کنیت کا استعمال کرنا جب کہ تمہاری اولاد نہیں اور تمہارے اپنے آپ کو عربوں کی طرف منسوب کرنا حالانکہ تمہارا ی زبان میں لکنت ہے صہیب (رض) نے کہا : رہا یہ کہ میں کھانا کھلاتا ہوں سو نبی کریم (صلی اللہ علیہ وآلہ وسلم) نے فرمایا ہے تم میں سب سے افضل وہ ہے جو دوسروں کو کھانا کھلائے ۔ اللہ کی قسم میں یہ چیز ہرگز نہیں چھوڑسکتا ، رہی بات کہ میں کنیت استعمال کرتا ہوں سو نبی کریم (صلی اللہ علیہ وآلہ وسلم) نے مجھ سے پوچھا : کیا تمہاری اولاد ہے ؟ میں نے عرض کیا : نہیں آپ نے فرمایا : ابویحیی کنیت کرو۔ رہی بات کہ میں اپنے آپ کو عربوں کی طرف منسوب کرتا ہوں حالانکہ میری زبان میں لکنت ہے سو میں صہیب بن سنان (صلی اللہ علیہ وآلہ وسلم) بن نمر بن قاسط ہوں میں اپنے گھر والوں کی بکریاں چراتا تھا رومیوں نے غار تگری ڈالی اور مجھے لیتے گئے پھر انھوں نے مجھے اپنی زبان سکھلائی میری لکنت کی یہی وجہ ہے۔ (رواہ ابویعلی وابن عساکر)