٣٧١٥٧۔۔۔ ابن عباس (رض) کی روایت ہے کہ قبیلہ ” ازسشنوءہ “ میں ضماد نامی آدمی تھا وہ جھاڑ پھونک کا کام کرتا تھا جب وہ مکہ آیا تو اس نے اہل مکہ کو سنا کہ وہ کہہ رہے ہیں رسول اللہ (صلی اللہ علیہ وآلہ وسلم) مجنون ہیں ضماد رسول اللہ (صلی اللہ علیہ وآلہ وسلم) کے پاس آیا اور کہا میں جھاڑ پھوک کرتا ہوں اوقر دوائی بھی دیتا ہوں اگر آپ پسند فرمائیں میں آپ کو دوائی دیتا ہوں نبی کریم (صلی اللہ علیہ وآلہ وسلم) نے فرمایا :
الحمدللہ نحمدہ ونستعینہ ونومن بہ ونتوکل علیہ ونعوذ باللہ من شرورانفسنا وسیئات اعمالنا من یھدہ اللہ فلا مضل لہ ومن یضلل فلا ھادی لہ واشھدان لاالہ الا اللہ وان محمد عبدہ ورسولہ۔
ضماد نے دربارہ خطبہ دہرانے کی پیشکش کی آپ نے خطبہ دوہرایا ضماد بولا : اللہ کی قسم ! میں نے کاہنوں جادو گروں شعراء اور بلغاء کا کلام سنا ہے اور اس جیسا کلام میں نے کبھی نہیں سنا ہاتھ بڑھائیں میں بیعت کرتا ہوں چنانچہ ضماد (رض) نے اسلام پر بیعت کرلی عرض کیا : میں اپنی قوم کی طرف سے بھی بیعت علی الاسلام کرسکتا ہوں ؟ فرمایا : اپنی قوم کی طرف سے بھی بیعت کرلو۔ اس کے بعد رسول اللہ (صلی اللہ علیہ وآلہ وسلم) نے سریہ (لشکر) بھیجا جب سریہ ضماد (رض) کے علاقہ سے گزرا تو سریہ کے امیر نے کہا : کیا تم نے کوئی چیز پائی ہے ؟ لوگوں نے کہا : جی ہاں چمڑے کا ایک چھوٹا سا ظرف پایا ہے امیر نے کہا : یہ ظرف بستی والوں کو واپس کردو چونکہ یہ لوگ ضماد (رض) کی قوم ہیں۔ (رواہ ابن عساکر)