٣٧١٧٢۔۔۔ شعبی کی روایت ہے کہ ایک مرتبہ رسول اللہ (صلی اللہ علیہ وآلہ وسلم) مسجد میں تشریف فرما تھے اتنے میں عبداللہ بن رواحہ (رض) کا ادھر سے گزرہوا لوگوں نے اٹھ کر ان کے پاس ہجوم بنالیا اور کہنے لگے : اے عبداللہ بن رواحہ ! اے عبداللہ بن رواحہ ! کہتے ہیں میں سمجھ گیا کہ رسول اللہ (صلی اللہ علیہ وآلہ وسلم) نے مجھے اپنے پاس بلایا ہے، میں خدمت میں حاضر ہوا آپ نے آپ نے مجھے فرمایا : یہاں بیٹھومیں آپ کے سامنے بیٹھ گیا فرمایا : تم کس طرح اشعار کہتے ہو ؟ گویا آپ تعجب کررہے تھے میں نے عرض کیا : دیکھتے جائیں پھر میں کہتا ہوں فرمایا مشرکین کی ہجو میں تمہیں اشعار کہنے چاہئیں جب کہ میں کچھ بھی کہنے کی حالت میں تھا تاہم میں نے یہ کلمہ کہ دیا۔
فاخبرولی اثمان العباء متی کنتم بطاریق اودانت لکم مضر
” مجھے عباء (قباء جبہ) کے پیسوں کے متعلق خبر دو تم کب جرنیل ہوئے یا تمہارے لیے مضر قریب ہوگیا ہے “ اس پر میں نے رسول اللہ (صلی اللہ علیہ وآلہ وسلم) کے چہرہ اقدس پر ناگواری کے اثرات دیکھ لیے لہٰذا میں نے یہ اشعار کہے :
یاھاشم الخیر ان الفضل فضلکم
علی البریۃ فضلا مالہ غیرو
انی تفرست فیک الخیراعرفہ
فراستہ خالفتھم فی الذی نظروا
ولوسالت اوسنصرت بعھضم
فی جل امراتاک من حسن
تثبیت موسیٰ ونصرا کالذی نصروا
اے چیز کے تقسیم کرنے والے حقیقت فضیلت تمہیں حاصل ہے ساری مخلوق پر ایسی فضیلت حاصل ہے جو کسی دوسرے کو حاصل نہیں۔ میں نے آپ میں خیروبھلائی کو چانچ لیا ہے ایسی فراست سے کہ اس کے ذریعے میں نے غیروں میں یہ چیز نہیں دیکھی۔ اگر آپ سوال کریں یا ان میں سے بعض سے آپ مدد طلب کریں کسی بڑے کام میں تو وہ نہ جگہ دیں گے اور نہ ہی مدد کریں گے اللہ تعالیٰ نے آپ کو کو خوبی عطا کررکھی ہے اسے ثابت قدم رکھے جیسا کہ موسیٰ اور نصر کو ثابت قدم رکھا اور ان لوگوں کی طرح جس کی مدد کی گئی۔
چنانچہ رسول اللہ (صلی اللہ علیہ وآلہ وسلم) مسکراتے ہوئے میری طرف متوجہ ہوئے اور فرمایا : اللہ تمہیں ثابت قدم رکھے۔ (رواہ ابن جریر)