٣٧١٧٤۔۔۔ عکرمہ مولائے ابن عباس کی روایت ہے کہ عبداللہ بن رواحہ (رض) ایک مرتبہ اپنی بیوی کے پہلو میں لیٹے ہوئے تھے فورا اٹھے اور حجرے میں داخل ہوگئے اور اپنی باندی سے حاجت نفس پوری کرنے لگے : اتنے میں بیوی بیدار ہوئی اور عبداللہ بن رواحہ (رض) کو اپنے پاس نہ دیکھ کر وہ بھی اٹھ کھڑی ہوئی کیا دیکھتی ہے کہ عبداللہ (رض) باندی کے پیٹ پرچڑھے ہوئے ہیں بیوی واپس لوٹ گئی اور چھری اٹھالائی عبداللہ (رض) نے اسے چھری اٹھائے دیکھا اور بولے : تم کیا چاہتی ہو بیوی نے بھی کیا : تو کیا چاہتا ہے۔ اگر میں تمہیں وہیں پاتی جہاں تم تھے میں تمہیں ضرور اس چھری سے کچوکے لگاتی۔ عبداللہ (رض) نے کہا : میں کہاں تھا ؟ بیویی بولی باندی کے پیٹ پر عبداللہ (رض) نے کہا : کیا ایسا ہی ہے ؟ بیوی نے کہا : کیوں نہیں یہ تو ہوا ہے۔ عبداللہ (رض) نے کہا : رسول اللہ (صلی اللہ علیہ وآلہ وسلم) نے ہمیں حالت جنابت میں قرآن پڑھنے سے منع فرمایا ہے بولی : پڑھوعبداللہ بن رواحہ (رض) نے یہ اشعار پڑھے :
اتانا رسول اللہ یتلوکتابہ
کمالامشھور من الصبح ساطع اتی
بالھدی بعد العمنی قلوبنا
بہ موقنات ان ماقال واقع
یبت یجافی جنبہ عن فراشہ
اذا ستقلت بالکافرین المفاجع
ہماری پاس اللہ تعالیٰ کا رسول آیا جو اللہ کی کتاب کی تلاوت کرتا ہے جیسے کہ تاریکی کے بعد صبح روشن ہوجاتی ہے وہ جہالت کے بعد ہدایت لائے ہیں ہمارے دل اس ہدایت پر یقین رکھتے ہیں کہ جو کچھ آپ فرماتے ہیں وہ حق ہے وہ رات بسر کرتے ہیں بایں طور کہ ان کا پہلو بستر سے الگ ہوتا ہے جب کہ کافروں پر ان کے بچھونے بھاری ہوتے ہیں۔ (بیوی سمجھی شاید قران ہی پڑھا ہے جب کہ جنابت کی حالت میں قرآن پڑھنا جائز نہیں)
بیوی نے اشعار سن کر کہا : میں اللہ تعالیٰ پر ایمان لائی اور میری نظر نے جھوٹ دیکھا عبداللہ بن رواحہ (رض) کہتے ہیں صبح ہوتے ہیں نبی کریم (صلی اللہ علیہ وآلہ وسلم) کی خدمت میں حاضر ہوا اور آپ کا واقعہ سنایا رسول اللہ (صلی اللہ علیہ وآلہ وسلم) ہنس پڑے حتیٰ کہ آپ کے دانت مبارک دکھائی دینے لگے۔ (رواہ ابن عساکر)