٣٧١٧٦۔۔۔ ابن عباس (رض) فرماتے ہیں : حضرت عمر (رض) نے مجھے محمد (صلی اللہ علیہ وآلہ وسلم) کے صحابہ (رض) کے ساتھ اپنے پاس بلایا اور فرمایا : تم نے اس وقت تک بات نہیں کرنی جب تک صحابہ بات نہ کرلیں چنانچہ آپ (رض) نے صحابہ اللہ عنہم کو بلایا اور اس سے سوال کیا رسول کریم (صلی اللہ علیہ وآلہ وسلم) لیلۃ القدر کے متعلق جو فرمایا ہے کہ ” اسے رمضان کے آخری عشرہ میں تلاش کرو “ تمہاری رائے میں وہ کونسی رات ہوسکتی ہے ؟ چنانچہ بعض صحابہ (رض) نے کہا : وہ اکیسویں رات ہے بعض نے کہا : وہ تیسویں رات ہے بعض نے کہا : پچیسویں رات ہے بعض نے ستائیسویں کا کہا، صحابہ (رض) مختلف اقوال کرتے رہے میں خاموش بیٹھا رہا عمر (رض) نے فرمایا : بھلاتم کیوں نہیں بولتے : میں نے کہا : آپ ہی نے تو مجھے حکم دیا تھا کہ میں اس وقت تک بات نہ کرو جب تک صحابہ (رض) بات نہ کرلیں عمر (رض) نے فرمایا : کہو کیا کہنا چاہتے ہو میں نے تو اسی لیے تمہیں بلایا ہے۔ میں نے کہا اللہ تعالیٰ نے کثرت سے سات کے عدد کا ذکر کیا ہے سات آسمانوں کا ذکر کیا ہے اور انہی کی طرح زمین کا بھی ہفتہ میں سات دن میں طواف کے سات چکر ہیں رمی بھی سات مرتبہ ہے صفا اور مروہ سے درمیان بھی سات چکرلگائے جاتے ہیں۔ انسان کو سات چیز ون سے پیدا کیا گیا ہے ہمیں سبع مثانی (سات بڑی سورتیں ) عطا کی گئی ہیں، اقرباء میں سے سات عورتوں سے نکاح کرنے سے منع کیا گیا ہے اللہ تعالیٰ نے وارثت سات لوگوں پر تقسیم کی ہے۔ اس مناسبت سے میں لیلۃ القدر کو آخری سات راتوں میں سمجھتا ہوں ، حضرت عمر (رض) نے فرمایا : تم نے یہ جو کہا
کہ زمین کی نباتات سات ہیں اس سے کیا مراد ہے ؟ میں نے کہا : اللہ تعالیٰ کا فرمان ہے :
ثم شققنا الارض شقافانبتنا فیھا حبا وعبنا وقضبا وزیتونا ونخلا وحدائق غلبا وفاکھۃ وابا
یعنی ہم نے پھاڑا زمین کو اس سے اگائے بیچ اناج کے آور انگور کاری زیتون کھجوریں باغات گھن کے میوہ اور چارہ۔
حضرت عمر (رض) نے اس پر تعجب کیا اور فرمایا : اس میں صرف اس لڑکے نے میری موافقت کی ہے جسے تم کچھ نہیں سمجھتے ، بخدا ! میں اسی قول کو حق سمجھتا ہوں جو تم نے کہا ہے۔ (رواہ الترمذی وابن سعد وابن راھویہ وعبدبن حمید ومحمد بن نصرفی الصلاۃ والطبرانی و ابونعیم فی الحلیۃ والحاکم والبیھقی)