٣٧١٩٧۔۔۔” مسند عمر “ قیس بن مروان ہے کہ میں حضرت عمر (رض) کی خدمت میں حاضر ہوا اور عرض کیا اے امیرالمومنین ! میں کوفہ سے آیا ہوں میں نے وہاں ایک شخص چھوڑا ہے جو ظہر قلب س مصاحف کا املاء کر ارہا ہے (یعنی بن دیکھے زبانی مصاحف کا املاء کر ارہا ہے) حضرت عمر (رض) سخت غصہ ہوئے اور پھول کر گپا بن گئے قریب تھا کہ آپ (رض) غصہ سے پھٹ پڑتے فرمایا : بھلا وہ کون شخص ہے ؟ قیس نے کہا : وہ عبداللہ بن مسعود (رض) کی آہستہ آہستہ طبیعت بحال ہوئی اور غصیلی کیفیت چھٹتی گئی جب افاقہ ہوا فرمایا : تیری ہلاکت صحابہ (رض) میں میں کسی کو نہیں جانتا جو ان سے بڑھ کر مصاحف کا علم رکھتا ہو، میں تمہیں ان کے متعلق ایک حدیث سناتا ایک رات نبی کریم (صلی اللہ علیہ وآلہ وسلم) ابوبکر صدیق (رض) کے ساتھ محو گفتگو تھے میں بھی آپ کے ساتھ تھا بعد میں رسول اللہ (صلی اللہ علیہ وآلہ وسلم) اٹھ کر چل پڑے ہم بھی آپ کے ساتھ ہولیے یکایک ہم دیکھتے ہیں کہ ایک شخص مسجد میں نماز پڑھ رہا ہے رسول اللہ (صلی اللہ علیہ وآلہ وسلم) اس کی قرات سننے کے لیے کھڑے ہوگئے قریب تھا کہ ہم اس شخص کو پہچان لیتے تاہم رسول اللہ (صلی اللہ علیہ وآلہ وسلم) نے فرمایا : قرآن مجید کی قرات کرنا چاہے اسے چاہیے کہ ابن ام عبد کی طرح قرات کرے پھر وہ شخص بیٹھ گیا اور دعا کرنے لگا بلکہ رسول اللہ (صلی اللہ علیہ وآلہ وسلم) فرماتے جارہے تھے سوال کرو تمہارا سوال پورا کیا جائے گا میں نے کہا : اللہ کی قسم صبح ہوتے ہی میں اس کے پاس جاؤں گا اور اسے خوشخبری سناؤں گا چنانچہ سنا آئے اللہ کی قسم میں نے جب بھی کسی بھلائی کے کام میں صدیق اکبر (رض) کے ساتھ دوڑ لگائی مگر وہ مجھ سے ہر مرتبہ آگے بڑھ گئے۔ (رواہ ابوعبید فی فضائلہ واحمد بن حنبل والترمذی وابن خریمۃ وابن ابی داؤد ابن الانباری معافی المصاحف وابویعلی وابن حبان والدارقطنی دی الافراد وابن عساکر و ابونعیم فی الحلیۃ والبیھقی والضیاء)
فائدہ :۔۔۔ صحابہ کرام (رض) آپس میں خیر و بھلائی کے کاموں میں دوڑ لگاتے تھے اور ایک دوسرے سے آگے بڑھنے کی کوشش کرتے تھے لیکن جب ابوبکرصدیق اکبر (رض) (فداہ بابی وامی) نے دوڑ لگائی تو میدان میں صرف فاروق اعظم (رض) ہی اترے گوصدیق اکبر (رض) سے پیچھے رہے اسی طرح جبب صدیق اکبر (رض) نے دوڑ لگائی ان کا مقابلہ کرنے کی کسی کو جرات نہیں ہوتی تھی سوائے فاروق اعظم (رض) کے گوصدیق اکبر (رض) سے پیچھے ہی کیوں نہ رہے یعنی میدان مسابقت کے ان دوشہسواروں کا مدمقابل کوئی نہیں تھا اور نہ ہی کسی کو جرات ہوتی تھی۔ سبحان اللہ ماعظم شانہ اللھم ارزق اتباعھم آمین یارب العالمین ۔ ازمترجم تنولی