٣٧٢٠٩۔۔۔ عمر وبن حدیث کہتے ہیں کہ نبی کریم (صلی اللہ علیہ وآلہ وسلم) نے حضرت عبداللہ بن مسعود (رض) سے فرمایا : قرآن پڑھو عرض کیا : میں قرآن پڑھوں حالانکہ قرآن آپ پر نازل ہوتا ہے فرمایا : میں چاہتا ہوں کہ کسی اور سے سنوں چنانچہ ابن مسعود (رض) نے سورة النساء شروع کردی اور جب اس آیت کریمہ پر پہنچے۔
فکیف اذا جینا من کل امۃ شھید وجنابک علی ھولاء شھید
اس وقت کیا حال ہوگا جب ہم ہر امت سے ایک گواہ لائیں گے اور آپ کو بھی ان لوگوں پر بطور گواہ لائیں گے۔
تع نبی کریم (صلی اللہ علیہ وآلہ وسلم) کی آنکھوں سے آنسو نکل آئے اور عبداللہ بن مسعود (رض) نے تلاوت روک دی رسول روک دی رسول اللہ (صلی اللہ علیہ وآلہ وسلم) نے فرمایا : بات کرو۔ ابن مسعود (رض) نے اللہ تعالیٰ کی حمد وثناء اور رسول اللہ (صلی اللہ علیہ وآلہ وسلم) پر صلوٰۃ سلام بھیجنے کے بعد شہادت حق پیش کی اور بولے : ہم اللہ تعالیٰ کے رب ہونے پر راضی ہیں اسلام کے دین ہونے پر راضی میں جس چیز سے اللہ اور اس کا رسول راضی ہے میں بھی اس سے راضی ہوں رسول اللہ (صلی اللہ علیہ وآلہ وسلم) نے فرمایا : میں تمہارے لیے اس چیز پر راضی ہوں جس پر ابن ام عبدراضی ہے۔ (رواہ ابن عساکر)