٣٧٢١٩۔۔۔ حسن کی روایت ہے کہ رسول کریم (صلی اللہ علیہ وآلہ وسلم) حضرت عمر وبن العاص (رض) کو لشکر کا سپہ سالار اور عامل مقرر کرکے بھیجتے تھے لشکر میں عام صحابہ (رض) شامل ہوتے تھے، حضرت عمر (رض) سے پوچھا گیا : رسول اللہ (صلی اللہ علیہ وآلہ وسلم) آپ کو عامل مقرر کرتے تھے آپ کو اپنے قریب رکھتے اور آپ سے محبت کرتے تھے عمرو (رض) نے فرمایا : رسول اللہ (صلی اللہ علیہ وآلہ وسلم) مجھے عامل مقرر کرنے تھے مجھے معلوم نہیں آیا کہ آپ مجھ سے الفت کرتے تھے یا مجھ سے محبت کرتے تھے لیکن میں تمہیں ایسے دو شخص بتاسکتا ہوں جن سے رسول اللہ (صلی اللہ علیہ وآلہ وسلم) محبت کرتے تھے اور انسے محبت کرتے کرتے دنیا سے رخصت ہوئے وہ عبداللہ بن مسعود (رض) اور عمار بن یاسر (رض) ہیں۔ (رواہ ابن عساکر)