٣٧٢٦١۔۔۔” مسند طلحہ بن عبیداللہ “ حاکم نے مندرجہ ذیل سند سے حدیث ذکر ہے ابوحاکم مکی بن عبدان ، احمد یعنی ابن یوسف سلمی ، حماد بن سلمان حرانی ، عیسیٰ بن عبدالرحمن انصار ابوعبادہ ابن شہاب ابن عامر بن سعد ابی وقاص، اسماعیل بن طلحہ بن عبیدا للہ اپنے والد سے حدیث نقل کرتے ہیں وہ کہتے ہیں ایک مرتبہ میں اپنے مال مویشوں کو جنگل میں لے گیا، جنگل میں مجھے رات ہوگئی میں نے کہا اگر میں اپنے گھوڑے پر سوار ہو کر اپنے گھر چلاجاؤں میرے لیے بہتر ہوگا میں گھوڑے پر سوار ہوا حتیٰ کہ جب میں شہداء کی قبروں پہنچا مجھے وحشت نے گھیرلیا میں نے کہا : اگر میں اپنا باندھ کر عبداللہ بن عمرو کی قبر کے پاس چلاجاؤں چنانچہ میں نے ایسا ہی کیا بخدا ! میں نے قبر پر کو نہی سر رکھا مجھے قبر سے قرات کی آواز سنائی دی اتنی خوبصورت قراب میں نے کبھی نہیں سنی میں نے کہا : قرات قبر سے ہورہی ہے عین ممکن ہے وادی میں بھی ہورہی ہو لہٰذا مجھے وادی کی طرف نکل جانا چاہیے لیکن مجھے احساس ہوا کہ واقعی قرات قبر ہورہی ہے۔ میں واپس لوٹ آیا اور سرقبر پر رکھ دیا کیا خوب قرات تھی میں نے ایسی قرات کبھی نہیں سنی میں اس قرات سے پھر پور ہوگیا اور میری نیند جاتی رہی طلوع فجر تک میں قرات سنتا رہا۔ جب طلوع فجر ہوئی قراءت کی آواز دھیمی پڑتی گئی حتیٰ کہ صبح ہوئی میں نے کہا : اگر میں نبی کریم (صلی اللہ علیہ وآلہ وسلم) کے پاس جاؤں اور آپ کو یہ ماجرا سناؤں میں رسول اللہ (صلی اللہ علیہ وآلہ وسلم) کی خدمت میں حاضر ہوا اور آپ کو سارا واقعہ سنایا فرمایا : یہ عبداللہ بن عمرو تھا اے طلحہ کیا تمہیں معلوم نہیں کہ اللہ تعالیٰ روحیں قبض کرلیتا ہے اور انھیں قندیلوں میں رکھ دیتا ہے جو زبرجد اور یا قوت کی بنی ہوتی ہیں انھیں جنت کے وسط میں لٹکادیا گیا ہے ؟ جب رات ہوتی ہے ارواح واپس لوٹا دی جاتی ہیں جب طلوع فجر ہوتا ہے اپنے اصلی مقامات کی طرف واپس لوٹا دی جاتی ہیں جس میں وہ ہوتی ہیں۔
کلام :۔۔۔ حدیث صیعف ہے چنانچہ معنی میں لکھا ہے کہ عیسیٰ بن عبدالرحمن عن الزھری کے متعلق نسائی وغیرہ کہتے ہیں کہ یہ متروک ہے۔