٣٧٢٧١۔۔۔” مسند اسامہ بن زید “ حضرت اسامہ بن زید کی روایت ہے کہ نبی کریم (صلی اللہ علیہ وآلہ وسلم) ایک گدھے پر سوار ہوئے گدھے پر پالان رکھا ہوا تھا اور آپ کے نیچے فد کی چادر تھی آپ نے مجھے اپنے پیچھے بیٹھا لیا آپ حضرت سعد بن عبادہ (رض) کی عیادت کرنے بنی حارث بن خزرج میں جارہے تھے یہ بدر سے پہلے کا واقعہ ہے آپ کا گزر ایک مجلس کے پاس سے ہوا جس میں مسلمان مشرکین بتوں کے پچاری اور یہود اکٹھے بیٹھے تھے ان میں عبداللہ بن ابی بھی بیٹھا ہوا تھا یہ عبداللہ بن ابی کے اسلام قبول کرنے سے پہلے کا واقعہ ہے مجلس میں حضرت عبداللہ بن رواحہ (رض) بھی تھے جب مجلس کے قریب گدھے نے گزرتے گزرتے غباراڑائی عبداللہ بن ابی نے ناک کپڑے سے ڈھانپ دی اور بولا ہمارے اوپر غبارمت ڈالو نبی کریم (صلی اللہ علیہ وآلہ وسلم) نے سلام کیا رکے اور نیچے اتر آئے مجلس والوں کو اللہ تعالیٰ کی طرف بلایا اور انھیں قرآن پڑھ کر سنایا، عبداللہ بن ابی لولا : اے آدمی : اس سے کوئی بات اچھی ہیں۔ جو کچھ تم کہتے ہو وہ اگر حق ہے تو ہماری مجلسوں میں ہمارے پاس مت آؤ اور اپنی سواری پر واپس چلے جاؤ۔ ہم میں سے جو شخص آئے اسے سنادیا کرو۔ عبداللہ بن رواحہ (رض) بولے : بلکہ آپ ہماری مجالس میں تشریف لائیں ہم اسے پسند کرتے ہیں پس اسی ہر مسلمان مشرکین اور یہود ایک دوسرے سے الجھ پڑے حتیٰ کہ مارنے اور مرنے نوبت پہنچ گئی نبی کریم (صلی اللہ علیہ وآلہ وسلم) ننے سب کو ٹھنڈا کیا پھر آپ اپنی سواری پر سوار ہوئے اور حضرت سعد بن عبادہ (رض) کے پاس پہنچ گئے اور فرمایا : اے سعد کیا تم نے ابوحباب کو نہیں سنا کہ کیا کہتا ہے ؟ وہ ایسی اور ایسی باتیں کرتا ہے ؟ سعد (رض) نے کہا : سعد (رض) نے کہا : یارسول اللہ (صلی اللہ علیہ وآلہ وسلم) اسے معاف کریں اور درگزر کریں اللہ کی قسم ! اللہ تعالیٰ نے آپ کو بہت خوبیاں عطا کررکھی ہیں۔ جب کہ اس بحیرہ کے رہنے والوں نے اتفاق کرلیا ہے کہ وہ اسے تاج پہنچائیں گے اور اسے ایک مضبوط جماعت بھی فراہم کریں گے جب اللہ تعالیٰ نے اس کے باطل خیال کو آپ کو عطاکئے گئے حق سے ردکردیاتو اسے ایک طرح کا اچھو لگ گیا یہ سب کچھ اسی کی یاداش میں کیا ہے جو آپ نے دیکھا ہے۔ تاہم نبی کریم (صلی اللہ علیہ وآلہ وسلم) نے اسے معاف کردیا نبی کریم (صلی اللہ علیہ وآلہ وسلم) اور آپ کے صحابہ کرام (رض) مشرکین واہل کتاب کو معاف کردیتے تھے اور ان کی اذیتوں پر صبر کرلیتے جیسا کہ اللہ تعالیٰ نے انھیں اس کا حکم دیا ہے جب کہ رسول اللہ (صلی اللہ علیہ وآلہ وسلم) معاف کرنے کے لیے بہانے ڈھوتے تھے حتیٰ کہ اللہ تعالیٰ نے کافروں کو بھی معاف کرنے کی اجازت مرحمت فرمائی جب رسول اللہ (صلی اللہ علیہ وآلہ وسلم) کو غزوہ بدر میں فتح و کامرانی نصیب ہوئی اور اس جنگ میں قریش کے بڑے بڑے سردار مارے گئے تو یہ صورتحال دیکھ کر ابن ابی اور اس کے ساتھ مشرکین بتوں کے بچاریوں نے کہا : یہ اسلام تو غلبہ کی طرف آتا دکھائی دے رہا ہے چنانچہ انھوں نے رسول اللہ (صلی اللہ علیہ وآلہ وسلم) کے دست اقدس پر بیعت کرلی اور اسلام قبول کرلیا۔ (رواہ احمد بن حنبل ومسلم و البخاری والنسائی والعدنی والبیہقی فی الدلائل جب کہ مسلم کی روایت یہاں تک ہے کہ نبی کریم (صلی اللہ علیہ وآلہ وسلم) نے اسے معاف کردیا) ۔