٣٧٢٧٣۔۔۔ حضرت اسامہ (رض) کی روایت ہے کہ رسول اللہ (صلی اللہ علیہ وآلہ وسلم) عبداللہ بن ابی کی عیادت کرنے تشریف لے گئے عبداللہ مرض الوفات میں تھا جب آپ عبداللہ بن ابی کے پاس پہنچے تو آپ نے اسمیں موت کے نشانات پہچان لیے اور فرمایا : میں تمہیں یہودیوں کی محبت سے منع کرتا تھا۔ عبداللہ بن ابی بولا اسعد بن زرارہ بھی تو یہودیوں سے بغض کرتا تھا وہ مرگیا اور یہودیوں کے بغض نے اسے کوئی نفع نہ پہنچایا جب ابن ابی مرگیا تو اس کا بیٹا آیا اور عرض کیا : عبداللہ بن ابی مرچکا ہے آپ مجھے عطا کریں تاکہ اس میں اسے کفناؤں۔ چنانچہ رسول اللہ (صلی اللہ علیہ وآلہ وسلم) نے اپنی قمیض اتاری اور اسے دے دی۔ (رواہ احمد بن حنبل وابو داؤد والرویانی والطبرانی والبیھقی فی الدلائل والضیاء)
کلام :۔۔۔ حدیث ضعیف ہے دیکھئے ضعیف ابی داؤد ٦٨١۔