٣٧٣١٦۔۔۔ ابن عباس (رض) کی روایت ہے کہ نبی کریم (صلی اللہ علیہ وآلہ وسلم) نے مہاجرین و انصار کو حکم دیا کہ دو صفیں بنالیں پھر آپ (صلی اللہ علیہ وآلہ وسلم) نے حضرت علی (رض) اور حضرت عباس (رض) کا ہاتھ پکڑا اور ان کے درمیان چلنے لگے پھر نبی کریم (صلی اللہ علیہ وآلہ وسلم) ہنس پڑے حضرت علی (رض) نے عرض کیا : یا رسول اللہ (صلی اللہ علیہ وآلہ وسلم) آپ کیوں ہنسے ہیں ؟ ارشاد فرمایا : جبرائیل امین نے مجھے خبردی ہے کہ اللہ تعالیٰ مہاجرین و انصار پر اہل آسمان میں فخر کررہے ہیں اور اے علی وعباس ! تم دونوں پر حاملین عرش میں فخر کررہے ہیں۔ (رواہ ابن عساکر)