٣٧٣٦٥۔۔۔” مسند عثمان (رض) “ سلام بن ابی جعد کی روایت ہے کہ ایک مرتبہ حضرت عثمان (رض) نے رسول اللہ (صلی اللہ علیہ وآلہ وسلم) کے صحابہ (رض) کو اپنے پاس بلایا ان میں حضرت عمار بن یاسر (رض) بھی تھے عثمان (رض) نے فرمایا : میں تمہیں اللہ تعالیٰ کا واسطہ دیتا ہوں کیا تمہیں معلوم ہے کہ رسول اللہ (صلی اللہ علیہ وآلہ وسلم) قریش کو سب لوگوں پر فوقیت و ترجیح دیتے تھے صحابہ (رض) خاموش رہے اور کچھ جواب نہ دیا : عثمان (رض) نے فرمایا : بالفرض اگر میرے ہاتھ میں جنت کی چابیاں ہوتیں تو میں وہ بنی امیہ کودے دیتا حتیٰ کہ وہ سب کے سب جنت میں داخل ہوجاتے۔ پھر عثمان (رض) نے حضرت طلحہ اور حضرت زبیر (رض) کو پیغام بھیجا : کیا میں تمہیں عمار (رض) سے مروی حدیث نہ سناؤں ؟ کہ میں رسول اللہ (صلی اللہ علیہ وآلہ وسلم) کے ساتھ چل رہا تھا آپ نے میرا ہاتھ پکڑا رکھا تھا آپ بطحاء میں چل رہے تھے۔ حتیٰ کہ آپ عمار (رض) کے والد والدہ اور خود عمار (رض) کے پاس تشریف لائے انھیں سخت تکلیفیں دی جارہی تھیں پھر عمار (رض) نے عرض کیا : یارسول اللہ ! کیا زمانہ ایسا ہی ہے ؟ نبی کریم (صلی اللہ علیہ وآلہ وسلم) نے فرمایا : صبر کرو پھر فرمایا : یا اللہ ! یاسر کی آل اولاد کی مغفرت فرما اور تو ایسا ہی کرتا ہے۔ (رواہ احمد بن حنبل والبیھقی والبغوی فی مسند عثمان والعقیلی وابن الجوزی فی الواھیات وابن عساکر)