٣٧٣٧٢۔۔۔ حضرت جابر (رض) کی روایت کے کہ رسول اللہ (صلی اللہ علیہ وآلہ وسلم) اور مسلمان (غزوہ احزاب کے موقع پر) خندق کھود رہے تھے جب کہ حضرت عمار بن یاسر (رض) خندق سے باہر مٹی اور پتھر نکال کر کنارے ڈال رہے تھے عمار (رض) بیماری کی وجہ سے رنجور تھے پھر اس دن روزہ بھی رکھا تھا کمزوری کی وجہ سے بےہوش ہوگئے عمار (رض) کے پاس ابوبکر (رض) تشریف لائے اور فرمایا : اے عمار ! اپنے آپ کو مشقت میں نہ ڈالو۔ تم نے اپنے آپ کو قتل کردیا ہے حالانکہ تم بیماری سے رنجور ہو رسول اللہ (صلی اللہ علیہ وآلہ وسلم) ابوبکر (رض) کی باتیں سن کر کھڑے ہوگئے اور عمار (رض) کے پاس تشریف لائے پھر آپ نے عمار (رض) کے سر اور کاندھوں سے مٹی جھاڑنی شروع کردی آپ فرما رہے تھے : بلاشبہ تم نے مرنا ہے حالانکہ تم نے اپنے آپ کو قتل کردیا تھا اللہ کی قسم ہرگز نہیں ایک روایت میں ہے نہیں اللہ کی قسم۔ تم نہیں مروگے حتیٰ کہ تمہیں ایک باغی جماعت قتل کرے گی۔ (رواہ ابن عساکر)