٣٧٣٨٩۔۔۔ حضرت خالد (رض) کہتے ہیں : میں نے ایک کام کیا جو میرے لیے بہت زیادہ باعث خوف تھا کہ وہ مجھے عمار (رض) کی وہ سے آتش دوزخ میں نہ داخل کردے۔ پوچھا گیا : بھلاوہ کیا ہے ؟ خالد (رض) نے کہا : مجھے رسول اللہ (صلی اللہ علیہ وآلہ وسلم) نے اپنے صحابہ (رض) میں سے بعض لوگوں کے ساتھ عرب کی ایک بستی کی طرف بھیجا میں ن ے انھیں جالیا بستی میں مسلمانوں کا بھی ایک گھرانہ تھا عمار (رض) نے چند صحابہ (رض) کے ساتھ ان کے متعلق بات کی اور کہا : آپ انھیں رہا کردیں میں نے کہا : نہیں حتیٰ کہ میں رسول اللہ (صلی اللہ علیہ وآلہ وسلم) پاس چلا جاؤں پھر آپ چاہیں انھیں آزاد کردیں یا ان کے متعلق جو چاہیں کریں۔ میں رسول اللہ (صلی اللہ علیہ وآلہ وسلم) کی خدمت میں حاضر ہوا عمار (رض) نے بھی اندر آنے کے لیے اجازت طلب کی اندر آئے اور کہا : یارسول اللہ ! کیا آپ خالد کی طرف نہیں دیکھتے اس نے ایسا اور ایسا کیا ہے ؟ خالد (رض) بولے : اللہ کی قسم ! اگر آپ کی مجلس کے آداب ملحوظ نہ ہونے ابن سمیہ مجھے کبھی گالی نہ دیتا۔ رسول اللہ (صلی اللہ علیہ وآلہ وسلم) نے فرمایا : اے عمار ! باہر نکل جاؤ۔ چنانچہ عمار (رض) روتے ہوئے باہر نکل گئے اور کہا رسول اللہ (صلی اللہ علیہ وآلہ وسلم) نے خالد (رض) کے خلاف میری مدد نہیں کی رسول اللہ (صلی اللہ علیہ وآلہ وسلم) نے فرمایا : کیا تم اس شخص کو جواب نہیں دیتے ؟ میں نے عرض کیا : یارسول اللہ ! اسے جواب دینے سے مجھے اس کی حقارت نے روک دیا ہے۔ رسول اللہ (صلی اللہ علیہ وآلہ وسلم) نے فرمایا : جس نے عمار کو حقارت کی نظر سے دیکھا اللہ تعالیٰ اسے حقارت کی نظر سے دیکھے گا جس نے عمار سے بغض رکھا اللہ اس سے بغض رکھے گا میں باہر نکلا اور عمار کے پیچھے ہولیا میں نے انھیں منالیا اور انھوں نے میرے لیے استغفار کیا۔ (رواہ ابویعلی وابن عساکر)