٣٧٤٢٨۔۔۔ حضرت اسماء بنت ابی بکر (رض) کی روایت ہے کہ جب رسول اللہ (گھر میں ) داخل ہوئے اور اطمینان سے بیٹھ گئے آپ کے پاس ابوبکر (رض) اپنے والد ابوقحافہ (رض) کو لائے جب رسول اللہ (صلی اللہ علیہ وآلہ وسلم) نے انھیں دیکھا فرمایا : اے ابوبکر ! اس بزرگ کو گھر پر ہی کیوں نہیں رہنے دیا حتی کہ خود چل کر اس کے پاس آجاتا۔ ابوبکر (رض) نے جواب دیا : یارسول اللہ ! یہ آپ کی طرف چل کر آنے کا زیادہ حقدار ہے چنانچہ ابوقحافہ (رض) نے اسلام قبول کیا اور شہادت حق کا اقرار کیا۔ (رواہ ابن النجار)