٣٧٤٣٧۔۔۔ جویریہ مندرجہ ذیل حدیث کا کچھ حصہ نافع سے روایت کرتے ہیں اور کچھ حصہ ابودرداء کی اولاد میں سے ایک شخص سے کہتے ہیں : ابودرداء (رض) نے حضرت عمر (رض) سے شام جانے کے لیے اجازت طلب کی حضرت عمر (رض) نے فرمایا : میں تمہیں اجازت نہیں دے سکتا الایہ کہ تم عامل کا عہدہ قبول کرو ابودرداء (رض) نے کہا : میں عامل۔ (گورنر) نہیں بننا چاہتا۔ حضرت عمر (رض) فرمایا : تب میں تمہیں شام جانے کی اجازت بھی نہیں دے سکتا۔ حضرت عمر (رض) نے فرمایا : شام میں جاؤں گا تاکہ وہاں لوگوں کو نبی کریم (صلی اللہ علیہ وآلہ وسلم) کی سنت تعلیم کروں اور ان کے ساتھ نماز پڑھوں۔ تاہم انھیں اجازت دے دی۔ چنانچہ عمر (رض) شام کی طرف روانہ ہوگئے جب شام میں مسلمانوں کی چھاؤنی نے قریب پہنچے تو باہر ہی قیام کیا حتیٰ کہ جب شام ہوئی اور رات چھاگئی فرمایا : اے یرفاء۔ (خادم کا نام تھا) مجھے یزید بن ابی سفیان کے پاس لے چلوتا کہ میں دیکھوں کہ اس کے پاس رات کو باتیں کرنے والے ہیں چراغ جل رہے ہیں یا نہیں اور وہ مسلمانوں کے مال غنیمت سے لیے دریباج وریشم کے بچھونے پہ سویا ہے تم اسے سلام کرنا وہ تجھے سلام کا جواب دے گا تم اس سے اجازت طلب کرنا وہ تمہیں اجازت نہیں دے گا حتیٰ اسے معلوم ہوجائے کہ تم کون ہو چنانچہ ہم چل پڑے جب دروازے پر پہنچے یرفا نے کہا : السلام علیکم ! یزید بن ابی سفیان (رض) بولے : وعلیکم السلام بولا : کیا میں اندر داخل ہوجاؤں ؟ جواب ملا : تو کون ہے۔ کہا میں ترفاء ہوں اور یہ وہ شخص ہے جس کا آنا تمہیں اچھا نہیں لگتا اور یہ امیرالمومنین ہیں۔ یزید بن ابی سفیان (رض) نے دروازہ کھولا کیا دیکھتے ہیں کہ رات کو باتیں کرنے والے موجود ہیں چراغ جل رہا ہے اور وہ خود دیباج وریشم کا بچھونا لگائے بیٹھے ہیں۔ حضرت عمر (رض) نے فرمایا : اے یرفاء دروازے پر رہو۔ پھر آپ (رض) نے درہ مارنے کے لیے کان میں رکھ لیا پھر ساز و سامان جمع کیا اور کمرے کے درمیان رکھ دیا پھر گھر میں جاضرین سے فرمایا، تم میں سے کوئی شخص یہاں سے ہلنے نہ پائے حتیٰ کہ مٰن واپس لوٹ آؤں۔ پھر دونوں وہاں سے نکل پڑے اور آپ (رض) نے فرمایا : اے یرفاء ! ہمیں عمرو بن العاص (رض) کے پاس لے جاؤ تاکہ ہم اس کے پاس رات کے قصہ گود دیکھیں چراغ اور دیباج وریشم کا بچھونا دیکھیں جو کہ مسلمانوں کے مال غنیمت میں سے ہیں۔ تم اس پر سلام کروگے وہ تمہیں سلام کا جواب دے گا تم اندر جانے کی اجازت طلب کرنا وہ تمہیں اجازت نہیں دے گا حتیٰ کہ اسے معلوم ہوجائے تم کون ہو چنانچ ہم عمرو و (رض) دروازے پر پہنچے عمر (رض) نے کہا : السلام علیکم ! جواب ملاو علیکم السلام کہا : میں داخل ہوسکتا ہوں جو اب دیا : تم کون ہو ؟ یرفا نے جواب دیا : یہ وہ شخص ہے جس کا آنا تمہیں اچھا نہیں لگے یہ امیرالمومنین ہیں عمر (رض) نے دروازہ کھولا کیا دیکھتے ہیں کہ رات کے قصہ گویا چراغ اور دیباج وریشم کے بچھونے موجود ہیں۔ عمر (رض) نے فرمایا : اے یرفاء ! دروازے پر رہو پھر آپ (رض) نے سازوسامان جمع کیا اور گھر کے درمیان رکھ دیا آپ نے درہ کان میں رکھ دیا فرمایا : تم لوگ یہاں سے ہرگز ہلنے نہ پاؤ تاوقتیکہ میں واپس لوٹ آؤں۔ فرمایا : اے یرفاء ہمیں ابوموسیٰ کے پاس لے جاؤ تاکہ میں وہاں رات کے قصہ گو چراغ اور صوف کے بچھونے دیکھوں جو کہ مسلمانوں کے مال غنیمت سے ہیں۔ تم اس سے اجازت طلب کرو گے وہ تمہیں اجازت دے گا حتیٰ کہ اسے معلوم ہوجائے گا کہ تم کون ہو۔ چنانچہ ہم چل پڑے ہم نے ابوموسیٰ (رض) کے پاس رات کے قصہ گو چراغ اور صوف (اون) کے بچھونے دیکھے عمر (رض) نے مارنے کے لیے درہ کان میں رکھ لیا اور فرمایا : اے ابوموسیٰ تم بھی ایسے ہوگئے ہو ابوموسیٰ (رض) نے کہا : اے امیرالمومنین ! آپ نے یہ جو کچھ دیکھا ہے میرے ساتھیوں نے کیا ہے۔ اللہ کی قسم مجھے بھی وہی کچھ مل پایا ہے جو کچھ دوسرے لوگوں کو ملا ہے۔ فرمایا : یہ کیا ہے جواب دیا : شہراوالوں کو خیال ہے یہ ہی چیز اصلح اور زیادہ مناسب ہے۔ چنانچہ آپ (رض) نے سامان لپیٹا اور گھر کے درمیان رکھ دیا حاضرین سے فرمایا : تم میں سے کوئی شخص یہاں سے نکلنے نہ پائے تاوقتیکہ میں تمہارے پاس لوٹ نہ آؤں۔ جب ہم ان کے پاس سے نکلے عمر (رض) بولے : اے یرفاء اب ہمیں ہمارے بھائی کے پاس لے چلو ہم اسے ضرور دیکھیں گے اس کے پاس رات کی قصہ گوئی ہوگی اور نہ ہی چراغ جل رہا ہوگا اس کے دروازہ پر تالہ بھی نہیں ہوگا اس کا بچھونا کنکریاں ہوں گی اس نے عام سی گدڑی کا تکیہ بنا رکھا ہوگا اور اپنے اوپر باریک سی چادر اوڑھی ہوگی وہ سردی سے ٹھٹھر رہا ہوگا تو اسے سلام کرے گا وہ تجھے سلام کا جواب دے گا اس سے اجازت طلب کرے گا وہ تجھے اجازت دے دے گا قبل ازیں کہ اسے معلوم ہو تم کون ہو ہم چل پڑے حتیٰ کہ جب اس کے دروازے پر پہنچے عمروضی اللہ نے کہا : السلام علیکم جواب ملا وعلیکم والسلام کہا : میں اندر آجاؤں ؟ جواب ملا اندر آجاؤ چنانچہ عمر (رض) دروازہ کھول کر اندر گئے دروازے پر کوئی رکاوٹ نہیں ہم تاریک گھر میں داخل ہوئے عمر (رض) اسے تلاش کرنے لگے بالاخر ان کا ہاتھ اس پر جالگا تکیہ ٹٹول کر دیکھا وہ عام سی گڈری کا بنا تھا ان کا بچھونا دیکھا تو وہ کنکریوں کا تھا اوڑھنی دیکھی تو وہ عام باریک سی چادر تھی۔ ابودرداء (رض) بولے : یہ کون ہے ؟ کہا امیرالمومنین ہیں فرمایا : جی ہاں کہا بخدا میں آپ کو اس سال سے موخر کرتا رہا ہوں عمر (رض) نے کہا : اللہ تعالیٰ تجھ پر رحم فرمائے کیا میں تمہیں وسعت نہ دے دوں ؟ کیا میں تمہیں آسودگی میں نہ کردوں ؟ ابودرداء (رض) بولے : کیا آپ کو رسول اللہ (صلی اللہ علیہ وآلہ وسلم) کی بیان کردہ حدیث یاد ہے عمر (رض) نے پوچھا : کونسی حدیث کہا : وہ یہ ہے کہ ” تمہیں دنیا میں اتنا گزارہ ہے کافی ہے جتنا کہ مسافر کا زادراہ عمر (رض) بولے : جی ہاں ابودرداء (رض) نے کہا : اے عمر ! پھر ہم نے رسول اللہ (صلی اللہ علیہ وآلہ وسلم) کے بعد کیا کرنا شروع کردیا ہے۔ چنانچہ کہ مسافر کا زادراہ عمر (رض) بولے : جی ہاں ابودرداء (رض) نے کہا : اے عمر ! پھر ہم نے رسول اللہ (صلی اللہ علیہ وآلہ وسلم) کے بعد کیا کرنا شروع کردیا ہے۔ چنانچہ دونوں صبح تک پھوٹ پھوٹ کر رونے لگے۔ (رواہ الیشکری فی الیشکریات وابن عساکر)