٣٧٤٤٣۔۔۔ عبادہ بن محمد صامت کی روایت ہے کہ جب حضرت عبادہ (رض) کی وفات کا وقت قریب ہوا تو آپ (رض) نے فرمایا : میرا بستر گھر کے صحن میں نکالو۔ پھر حکم دیا کہ میرے غلاموں خادموں اور پڑوسیوں کا جمع کرو چنانچہ گھر والوں نے مذکورہ لوگوں کو جمع کیا جب لوگ جمع ہوگئے عبادہ (رض) نے فرمایا : میں سمجھتا ہوں دنیا میں میرا یہ آخری دن ہوگا اور آنے والی رات آخرت کی میری پہلی رات ہوگی مجھے معلوم نہیں شاید میرے ساتھ یا میری زبان سے کسی کے حق میں زیادتی ہوئی لہٰذا اسے چاہیے کہ میری روح قبض ہونے سے پہلے پہلے مجھ سے قصاص لے لے۔ حاضرین نے کہا : بلکہ آپ والد ہیں اور آپ نے ہمارے تربیت کی ہے عبادہ بن محمد کہتے ہیں : عبادہ بن صامت (رض) نے خادم کو کبھی بری بات نہیں کہی عبادہ (رض) نے فرمایا : کیا تم معاف کرتے ہو ؟ لوگوں نے کہا : جی ہاں فرمایا : یا اللہ ! گواہ رہ پھر فرمایا خبردار ! میری وصیت یاد رکھنا میں ہر انسان کو منع رونے سے کرتا ہوں جب میری روح قبض ہوجائے تو اچھی طرح سے وضو کرو اور پھر ہر شخص مسجد میں داخل ہوجائے نماز پڑھے عبادہ کے لیے اور اپنی ذات کے لیے استغفار کرے چنانچہ فرمان باری تعالیٰ ہے۔” استعینوا بالصبر والصلوٰۃ “ صبر اور نماز کے ذریعے مدد طلب کرو مجھے قبر میں جلدی دفن کرنا اور میرے نیچے سرخ کپڑا نہ پھیلانا۔ (رواہ البیھقی فی شعب الایمان وابن عساکر)