٣٧٤٤٧۔۔۔” عن عمر “ حضرت عدی بن حاتم (رض) کی روایت ہے کہ میں حضرت عمر (رض) کی خدمت میں حاضر ہوا میں نے عرض کیا : اے امیرالمومنین ! کیا آپ مجھے جانتے ہیں ؟ فرمایا : جی ہاں میں تجھے جانتا ہوں تم نے اس وقت ایمان لایا ہے جس وقت لوگ کفر کررہے تھے اس وقت تم دین اسلام کی طرف متوجہ ہوئے جب لوگ پیٹھ پھیرکرجا رہے تھے تم نے اس وقت وفا کی جب لوگوں نے دھوکادیا۔ سب سے پہلا صدقہ جس نے رسول اللہ (صلی اللہ علیہ وآلہ وسلم) کے چہرہ اقدس کو خوش کیا ہے اور صحابہ (رض) کو خوش کیا ہے وہ قبیلہ بنی طے کا صدقہ ہے جو تم رسول اللہ (صلی اللہ علیہ وآلہ وسلم) کے پاس لائے تھے۔ (رواہ ابن ابی شیبۃ واحمد بن حنبل وابن سعد والبخاری ومسلم والبیھقی)