٣٧٤٧٣۔۔۔” مسند عمر “ حرمازی کی روایت ہے کہ حضرت عمربن خطاب (رض) فیروز دیلمی (رض) کو خط لکھا جس کا مضمون یہ ہے : امابعد ! مجھے خبر پہنچی ہے کہ تم شہد کے ساتھ مغز کھانے میں مشغول رہتے ہو جو نہی میرا خط پہنچے فورا میرے پاس آجاؤ۔ چنانچہ فیروز (رض) حضرت عمر (رض) کی خدمت میں حاضر ہوئے اور اجازت کی حضرت عمر (رض) نے اجازت دی لیکن اندر داخل ہونے میں قریش کے ایک نوجوان نے مزاحمت کردی فیروز (رض) نے ہاتھ اٹھا کر طمانچہ دے مارا قریشی حضرت عمر (رض) کے پاس خون آلودناک لیے داخل ہوا عمر (رض) نے پوچھا : یہ کس نے کیا : جواب دیا : فیروز دیلمی نے اور وہ دروازے پر کھڑے ہیں حضرت عمر (رض) نے فیروز (رض) کو داخل ہونے کی اجازت دی وہ اندر داخل ہوئے حضرت عمر (رض) نے پوچھا : اے فیروز یہ کیا معاملہ ہے ؟ جواب دیا : امیرالمومنین ! ہمارا بادشاہ کے ساتھ نیا نیا بارانہ ہے آپ نے مجھے خط لکھا مگر اسے خط نہیں لکھا مگر اسے خط نہیں لکھا آپ نے مجھے داخل ہونے کی اجازت دی اور اسے اجازت نہ دی وہ میری اجازت سے قبل داخل ہونا چاہتا تھا تو پھر مجھ سے وہ ہوا جس کی آپ کو خبر ہوئی۔ حضرت عمر (رض) نے فرمایا : تم سے قصاص لیا جائے گا فیروز (رض) بولے : کیا اس کے سوا کوئی چارہ کا رہے۔ فرمایا اس کے سوا کوئی چارہ کار نہیں فیروز (رض) گھنٹوں کے بل بیٹھ گئے اور نوجوان قصاص لینے کھڑا ہوگیا حضرت عمر (رض) نے لڑکے سے کہا : اے نوجوان ذرہ ٹھہروتا کہ میں تمہیں ایک حدیث سناؤں جو میں نے رسول اللہ (صلی اللہ علیہ وآلہ وسلم) سے سنی ہے چنانچہ آپ (صلی اللہ علیہ وآلہ وسلم) نے ایک صبح فرمایا : آج رات اسودعنسی کذاب قتل کردیا گیا ہے۔ اسے بندہ صالح فیروز دیلمی نے قتل کیا ہے۔ اے نوجوان یہ سن لینے کے بعد بھی تم اس شخص سے قصاص لینے کے لیے آمادہ ہو۔ نوجوان بولا : میں نے یہ سننے کے بعد اسے معاف کردیا فیروز (رض) نے حضرت عمر (رض) سے کہا : اس کے بعد میں اپنے صنیع سے باہر نکل گیا : فرمایا جی ہاں فیروز (رض) نے کہا : میں آپ کو گواہ بناتا ہوں کہ میری تلوار گھوڑا اور میرے مال میں سے تیس ہزار اس نوجوان نے لیے ہبہ ہیں پھر بولے : اے قریشی ! تو نے معاف کرکے اجر وثواب حاصل کیا اور مال لیتا گیا۔ (رواہ ابن عساکر)