٣٧٤٧٦۔۔۔ محمد بن عمارہ بن خزیمہ بن ثابت کی روایت ہے کہ حضرت عمروبن معدیکرب (رض) نے قیس بن مکشوح سے کہا : اے قیس تم اپنی قوم کے آج سردار ہوشنید ہے کہ قریش کا ایک شخص ” جیسے محمد کہا جاتا ہے “ حجاز میں اس کا ظہور ہوا ہے وہ کہتا ہے کہ میں سنی ہوں لہٰذا ہمارے ساتھ اس کے پاس چلو تاکہ ہم اس کے علم کا جائزہ ہیں ، اگرچہ وہ واقعۃ نبی ہے جیسا کہ اس کا دعوی ہے تو حقیقت حال ہمارے اوپر مخفی نہیں رہے گی جب ہم اس سے ملاقات کریں گے سب کچھ واضح ہوجائے گا اور ہم اس کی پیروی کرلیں گے اگر معاملہ اس کے خلاف ہوتب بھی ہم اس کے علم کا جائزہ لے لیں گے اگر تمہاری قوم کا کوئی شخص اس تک رائے کو نامعقول سمجھا۔ چنانچہ حضرت عمروبن معدیکرب (رض) اپنی قوم کے دس آدمیوں کے ساتھ مدینہ حاضر ہوئے اور اسلام قبول کرکے اپنے وطن واپس چلے گئے جب قیس بن مکثوح (رض) کو حضرت عمرو (رض) کے مدینہ کی طرف روانہ ہونے کی خبر ہوئی تو قیس (رض) نے انھیں دھمکی دی اور کہا : اس نے میری مخالفت کی ہے اور میری رائے کی مطلق پاسداری نہیں کی۔ جب کہ حضرت عمرو (رض) کہتے جارہے تھے : اے قیس میں نے تجھے خبردی ہے کہ فروہ بن مسیک کی تابع فرمان دم ہے فروہ نے قیس بن مکشوح کی تلاش شروع کردی بالاخر قیس بن مکشوح اپنے ملک سے بھاگ سے بھاگ نکلا اور اس کے بعد اسلام قبول کرلیا۔ جب اسود عنسی نے نبی ہونے کا دعویٰ کیا تو قیس اس سے خوفزدہ ہو کر اس کے پاس آنے لگا اسے سلام کرتا اور اس کی گھات میں لگارہتا اور اس کا اظہار کسی سے نہ کرتا۔ حتیٰ کہ ایک دن عنسی کے پاس داخل ہوا دراں حالیکہ فیروز دیلمی (رض) نے اس کی گردن میں چادر ڈال رکھی تھی اور اس کا چہرہ گردن کی طرف موڑ رکھا تھا بالآخر اسے قتل کردیا اور قیس نے اس کا سرکاٹ کر اس کے حمایتیوں کی طرف پھینک دیا پھر قیس عنسی کی قوم سے خوفزدہ ہوا اور داذویہ پر حملہ کرکے اسے قتل کردیا تاکہ عنسی کی قوم کو خوش کردے داذویہ ان لوگوں میں سے تھا جو عنسی کے قتل میں شامل تھے جب ابوبکر (رض) کو اس کی خبر ہوئی تو انھوں نے مہاجرین ابی امیہ کو خط لکھا کہ قیس کو بیریوں میں جکڑ کر میرے پاس بھیج دو چنانچہ اسے بھیج دیا حضرت عمر (رض) نے اس کے قتل کے متعلق بات کی اور فرمایا : میں اسے بندہ صالح یعنی داذویہ کے بدلہ میں قتل کروں گا یہ تو سرکش چور ہے قیس نے قسمیں اٹھانی شروع کردیں میں نے اسے قتل نہیں کیا ابوبکر (رض) نے قیس سے منبر رسول اللہ (صلی اللہ علیہ وآلہ وسلم) کے پاس پچاس قسمیں لیں کہ میں نے اسے قتل کیا اور نہ ہی اس کے قاتل کا مجھے علم ہے پھر ابوبکر (رض) نے اسے معاف کردیا حضرت عمر (رض) اس سے فرمایا کرتے اگر ابوبکر (رض) نے تجھے معاف نہ کیا ہوتا میں تجھے داذیہ کے بدلہ میں قتل کردیتا قیس جواب دیتا امیرالمومنین ! اللہ کی قسم آپ نے مجھے پہچان لیا تھا جو شخص بھی یہ بات آپ کے منہ سے سنے گا وہ مجھ پر جرات کرے گا اور مجھے قتل کردے گا حالانکہ میں اس کے قتل سے بری ہوں۔ عمر (رض) اس کے بعد اس کے ذکر سے باز رہتے تھے عمر (رض) جب اپنے لشکروں کو بھجتے تھے تو قیس سے مشورہ لیتے اور اسے کوئی سرکاری عہدہ سونپتے تھے اور فرماتے تھے ! یہ فنون حرب کا ماہر ہے لیکن امانتدار ہیں۔ (رواہ ابن سعد)