٣٧٤٩٠۔۔۔ حضرت کعب بن عاصم اشعری (رض) کہتے ہیں : میں نے ایک مرتبہ سفید گندم خریدی رسول اللہ (صلی اللہ علیہ وآلہ وسلم) ابھی بقیدحیات تھے میں یہ گندم لے کر اپنے گھر والوں کے پاس آیا گھروالوں نے کہا : تم عمدہ اور اچھی گندم چھوڑ آئے ہو اور یہ ردی قسم کی گندم خریدلائے ہو۔ (بیوی نے کہا) اللہ کی قسم ! رسول اللہ (صلی اللہ علیہ وآلہ وسلم) نے تجھ سے میرا نکاح کروایا ہے حالانکہ تم گفتگو میں عاجر ہو حقیر وبدصورت ہو اور تمہاری قوت بھی ماند پڑگئی ہے کعب (رض) کہتے ہیں : میں نے اسی گندم سے روٹی پکائی میں نے اپنے ہاں اسے اشعری دوستوں کو کھانے پر مدعو کرنا چاہا میں نے سوچا : میں پیٹ بھر کر ڈکار مارنے لگوں گا جب کہ میرے دوست بھوکے ہوں گے۔ میری بیوی رسول اللہ (صلی اللہ علیہ وآلہ وسلم) کے پاس میری شکایت کرنے آئی اور عرض کیا : آپ نے مجھے جہاں چھوڑا ہے وہاں سے میری جان چھڑائیں رسول اللہ (صلی اللہ علیہ وآلہ وسلم) نے کعب (رض) کو پیغام بھیجواکر اپنے پاس بلایا پھر آپ نے دونوں میاں بیوی کو جمع کیا اور بات کی پھر آپ نے فرمایا : تو نے اپنے خاوند سے اس کے علاوہ کوئی اور بری بات تو نہیں دیکھی ؟ بولی : نہیں۔ آپ نے فرمایا : تم چاہتی ہو کہ اس سے اپنی جان چھڑالے اور یوں گدھے کی لاش بن جائے یا تو کسی مالدار کی خواہشمند ہے جس کے برتن پر شیطان بھی بیٹھا ہو۔ کیا تم راضی نہیں ہو کہ ہم نے ایسے شخص سے تمہاری شادی کی ہے جس سے افضل کوئی شخص نہیں جس پر سورج طلوع ہوتا ہو ؟ وہ بولی : میں راضی ہوں پھر اٹھی اور اپنے خاوند کا سر چوما اور پھر کہا : میں اپنے خاوند سے کبھی بھی جدا نہیں ہوں گی۔ (رواہ ابن عساکر)