٣٧٤٩٥۔۔۔” مسند خباب بن الارت “ حضرت خباب بن ارت (رض) کی روایت ہے کہ ہم نے رسول اللہ (صلی اللہ علیہ وآلہ وسلم) کے ساتھ ہجرت کی ہم صرف اضائے الہٰی کے جویاں تھے لہٰذا ہمارا اجر وثواب اللہ تعالیٰ کے ذمہ ہے چنانچہ ہم میں سے کچھ ہستیاں ایسی بھی ہیں جو دنیا سے رخصت ہوچکی ہیں ان میں سے ایک ہستی مصعب بن عمیر (رض) کی بھی ہے۔ انھیں احد کے دن قتل کیا گیا ان کے لیے اتنا کپڑا بھی دستیاب نہیں تھا جس میں انھیں کفن دیا جائے صرف چھوٹی سی ایک چادر تھی جس میں انھیں کفن دیا گیا جسے صحابہ (رض) اگر سر کی طرف کھینچتے تو پاؤں ننگے ہوجاتے اگر پاؤں ڈھانپتے سر ننگا ہوجاتا تاہم رسول اللہ (صلی اللہ علیہ وآلہ وسلم) نے فرمایا : چادر سے اس کا سرڈھانپ دو اور پاؤں پر اذخر گھاس ڈال دو ۔ ہم میں سے کچھ لوگ ایسے بھی ہیں جس کا پھل پک چکا ہے اور وہ اسے ہدیہ میں ملا ہے۔ (رواہ ابن ابی شیبۃ)