٣٧٥٠١۔۔۔ حضرت کعب بن مالک (رض) کی روایت ہے کہ حضرت عمر بن خطاب (رض) فرمایا کرتے تھے : معاذ (رض) شام کی طرف روانہ ہوگئے چنانچہ ان کا شام کی طرف جانا اہل مدینہ کے لیے نقصان تھا چونکہ معاذاہل مدینہ کو فتویٰ دیتے تھے میں نے ابوبکر (رض) (اللہ تعالیٰ ان پر رحم فرمائے) سے بات کی کہ وہ معاذ (رض) کو لوگوں کی ضرورت پر روک لیں لیکن ابوبکر (رض) نے انکار کردیا اور فرمایا : ایک شخص شہادت سے اپنے کو سرفراز کرنا چاہتا ہے میں اسے نہیں روک سکتا۔ میں نے کہا : بخدا اللہ تعالیٰ آدمی کو اس کے گھر پر بھی شہادت عطا کرسکتا ہے۔ حضرت کعب بن مالک (رض) کہتے ہیں : حضرت معاذ بن جبل (رض) نبی کریم (صلی اللہ علیہ وآلہ وسلم) اور ابوبکر صدیق کے زندہ ہوتے ہوئے بھی اہل مدینہ کو فتویٰ دیتے تھے۔ (رواہ ابن سعد)
کلام :۔۔۔ حدیث ضیعف ہے چونکہ اس کی سند میں واقدی ہے۔