٣٧٥٠٣۔۔۔ عمروبن میمون کہتے ہیں ہم یمن میں تھے کہ حضرت معاذبن جبل (رض) ہمارے پاس تشریف لائے اور فرمایا اسلام قبول کرو اور اپنے آپ کو سلامتی میں کرلو۔ میں اللہ کے رسول کا تمہارے پاس قاصد آیا ہوں عمروبن میمون کہتے ہیں تب سے میرے دل میں معاذ (رض) کی محبت رچ بس گئی پھر دنیا سے رخصت ہونے تک میں نے ان کا دامن ہاتھ سے نہیں چھوڑا چنانچہ معاذ (رض) جب قریب الوفات ہوئے میں روپڑا معاذ (رض) نے مجھ سے رونے کی وجہ پوچھی میں نے عرض کیا : آپ کے ساتھ ساتھ علم بھی ختم ہورہا ہے فرمایا : علم اور ایمان تا قیامت باقی رہیں گے علم تو عبداللہ بن مسعود عبداللہ بن سلام جو کہ جنت میں دس کے دسویں ہوں گے سلمان الخیر اور عویمر ابودرداء (رض) کے پاس ہے۔ چنانچہ میں حضرت عبداللہ بن مسعود (رض) کے ساتھ جاملا میں نے نماز کا تذکرہ کیا عبداللہ بن مسعود (رض) نے مجھے وہی حکم دیا جو نبی کریم (صلی اللہ علیہ وآلہ وسلم) نے دیا ہے کہ وقت پر نماز پڑھوں اور نفلی نماز کا بھی اہتمام کروں۔ میں نے عبداللہ (رض) سے جماعت کی فضیلت بیان کی انھوں نے میری ران پر ہاتھ مارا اور فرمایا : تجھ پر افسوس ہے ! لوگوں کی اکثریت جماعت سے الگ ہے جماعت تو وہی ہے جو اللہ عزوجل کی اطاعت کے موافق ہو۔ (رواہ ابن عساکر)