٣٧٥٢٢۔۔۔ بریرہ (رض) کہتے ہیں حضرت ماعزین مالک (رض) رسول کریم (صلی اللہ علیہ وآلہ وسلم) کی خدمت میں حاضر ہوئے اور عرض کیا : یارسول اللہ ! مجھے پاک کریں حکم ہوا تجھ پر افسوس ہے واپس جاؤ اللہ تعالیٰ سے استغفار کرو اور اس کے حضور توبہ کرو ماعز (رض) تھوڑے آگے تک چلے پھر واپس لوٹ آئے اور عرض کیا : یارسول اللہ مجھے پاک کریں نبی کریم (صلی اللہ علیہ وآلہ وسلم) نے پہلے کی طرح انھیں واپس کردیا حتیٰ کہ چوتھی بار نبی کریم (صلی اللہ علیہ وآلہ وسلم) نے فرمایا : کس چیز سے میں تمہیں پاک کروں ؟ عرض کیا : مجھے زنا سے پاک کریں۔ نبی کریم (صلی اللہ علیہ وآلہ وسلم) نے پوچھا : کیا اس پر بےہوشی کا حملہ تو نہیں ہوتا۔ خبردی گئی کہ اس پر بیہوشی طاری نہیں ہوتی۔ فرمایا : کیا اس سے شراب تو نہیں پی ؟ چنانچہ ایک آدمی نے بوسونگھی اور اس نے شراب کی بونہ پائی فرمایا : کیا تم نے واقعی زنا کیا ہے ؟ عرض کیا جی ہاں ۔ آپ نے انھیں رجم کرنے کا حکم دیا۔ بعد میں ان کے متعلق لوگوں کی دو جماعتیں ہوگئیں ایک جماعت کہتی تھی ماعزبہت ہی بری حالت میں ہلاک ہوا ہے اس کے گناہ نے اس کا احاطہ کرلیا ہے بعض کہتے تھے ماعز کی توجہ سے بڑھ کر کسی اور کی بھی تو نہ افضل واعلی ہوسکتی ہے چونکہ وہ نبی کریم (صلی اللہ علیہ وآلہ وسلم) کی خدمت میں حاضر ہوا اور اپنا ہاتھ نبی کریم (صلی اللہ علیہ وآلہ وسلم) کے دست اقدس میں دے دیا اور عرض کیا مجھے پتھر مار مار کر قتل کردیں۔ صحابہ (رض) دو تین دن تک اسی بحث و مباحثہ میں رہے پھر نبی کریم (صلی اللہ علیہ وآلہ وسلم) تشریف لائے جبکہ صحابہ (رض) بیٹھے ہوئے تھے آپ نے سلام کیا اور بیٹھ گئے پھر فرمایا : ماعز کے لیے استغفار کرو صحابہ (رض) نے عرض کیا : اللہ تعالیٰ ماعزبن مالک کی مغفرت کرے رسول اللہ (صلی اللہ علیہ وآلہ وسلم) نے فرمایا : ماعزنے ایسی توبہ کی ہے کہ اگر امت میں اس کی توبہ تقسیم کی جائے انھیں کافی ہو۔
بریدہ (رض) کہتے ہیں : پھر آپ (صلی اللہ علیہ وآلہ وسلم) کے پاس قبیلہ غامد بن ازد کی ایک عورت آئی اور عرض کیا : یارسول اللہ ! مجھے پاک کریں آپ نے فرمایا : تجھ پر افسوس ہے واپس جاؤ اور اللہ تعالیٰ سے استغفار کرو اور اس کے حضور توبہ کرو غامد یہ (رض) نے عرض کیا شاید آپ مجھے بھی ماعز کی طرف واپس کرنا چاہتے ہیں آپ نے فرمایا : کیا معاملہ ہے ؟ عرض کیا : میں تو زنا سے حاملہ ہوچکی ہوں آپ نے پوچھا : واقعی تم سے زنا سرزد ہوا ہے ؟ عرض کیا : جی ہاں فرمایا : ہم تمہیں اس حالت میں رجم نہیں کرسکتے حتیٰ کہ تو وضع حمل نہ کردے چنانچہ ایک انصار نے غامدیہ (رض) کی ذمہ داری چنانچہ کچھ عرصہ بعد انصاری آیا اور عرض کیا : یارسول اللہ ! غامدیہ نے وضع حمل کرلیا ہے آپ نے فرمایا : ہم اسے اس حالت میں بھی رحم نہیں کرسکتے کہ وہ دودھ پیتا بچہ چھوڑ جائے اور اسے کوئی دودھ بھی پلانے والا نہ ہو۔ انصار میں سے ایک شخص کھڑا ہوا اور عرض کیا : یا نبی اللہ ! بچے کو دودھ پلانے کی ذمہ داری میں لیتا ہوں ۔ آپ نے غامدیہ (رض) کو رجم کرنے کا حکم دے دیا۔ (رواہ ابونعیم واخرجہ مسلم فی صحیحۃ کتاب الحدودباب من اعترف علی نفسہ بالزنا۔ اس معنی میں بہت ہی احادیث کتاب الحدود میں گزرچکی ہیں دیکھیں حدیث نمبر ١٣٤٥٠)