٣٧٥٢٧۔۔۔ ابوامامہ بن سہل بن حنیف انصاری (رض) کی روایت ہے کہ جس دن ماعز (رض) رجم کیے گئے اس دن نبی کریم (صلی اللہ علیہ وآلہ وسلم) نے ظہر کی نماز پڑھی اور پہلی دو رکعتیں بہت طویل کردیں حتیٰ کہ حضرت عمر (رض) نے اونٹ کے جبڑے کی ہڈی سر پر ماری جس سے ان کی جان نکل گئی جب ان کی جان نکلی ایک شخص نے کہا : تو بدنصیب ہے۔ نبی کریم (صلی اللہ علیہ وآلہ وسلم) سے کہا گیا۔ یارسول اللہ ! ہم اس پر نماز پڑھیں ؟ فرمایا : جی ہاں دوسرے دن پھر آپ نے ظہر کی نماز میں پہلی دو رکعتیں طویل کیں جب نماز سے فارغ ہوئے فرمایا : اپنے صاحب پر نماز پڑھو چنانچہ نبی کریم (صلی اللہ علیہ وآلہ وسلم) نے نماز جنازہ پڑھی اور لوگوں نے بھی پڑھی۔ (رواہ عبدالرزاق)