٣٧٥٣٠۔۔۔ یونس بن محمد بن فضالہ ظفری اپنے والد سے روایت نقل کرتے ہیں وہ کہتے ہیں : میری والدہ مجھے لے کر نبی کریم (صلی اللہ علیہ وآلہ وسلم) کی خدمت میں حاضر ہوئی اور میرے لیے دعائے برکت کرنے کے لیے عرض کیا : آپ نے میرے لیے دعا فرمائی اور آپ نے دست اقدس میری گدی پر رکھا یونس کہتے ہیں : میرے والد کے جسم کے سب بال سفید ہوگئے تھے مگر ہو بال جن پر رسول اللہ (صلی اللہ علیہ وآلہ وسلم) نے دست اقدس پھیرا تھا وہ سفید نہیں ہوئے۔ (رواہ الحسن بن سفیان اوبونعیم)