٣٧٥٤٠۔۔۔ عبدالرحمن بن عثمان بن ابراہیم بن محمد بن حاطب اپنے والد اور دادا محمد بن حاطب سے روایت نقل کرتے ہیں اور وہ اپنی والدہ ام جمیل بنت مجلل (رض) سے روایت نقل کرتے ہیں وہ کہتی ہیں : میں تجھے (یعنی محمد بن حاطب (رض) کو) سرزمین حبشہ سے لے کر آئی اور مدینہ سے ایک یا دو دن کی مسافت پر تھی میں تمہارے لیے کھانا پکارہی تھی کہ لکڑیاں ختم ہوگئیں میں لکڑیاں لینے گئی اور ہنڈیاں چولہے سے نیچے اتارنے لگی۔ ہنڈیا الٹ گئی جو تیرے بازوں پر آن گری جب مدینہ پہنچی میں تجھے لیکر نبی کریم (صلی اللہ علیہ وآلہ وسلم) کی خدمت اقدس میں حاضر ہوئی اور عرض کیا : یارسول اللہ ! میرے ماں باپ آپ پر فدا ہوں یہ محمد بن حاطب ہے یہ پہلا بچہ ہے جس کا نام آپ کے نام پر رکھا گیا ہے نبی کریم (صلی اللہ علیہ وآلہ وسلم) نے تمہارے منہ میں تھتکارا ، تمہارے سر پر دست شفقت پھیرا اور تمہارے لیے دعائے لیے دعائے برکت فرمائی۔ دوران دعا تمہارے ہاتھوں پر تھتکارتے رہے اور یہ دعا پڑھتے رہے۔
اذھب الباس رب الناس ! واشف۔
انت الشافی لاشفاء الاشفاءک شفاء لایغادر سقما۔
اے لوگو کے پر مددگاردکھ تکلیف دور فرمادے اور شفاء عطا فرماتو ہی شفا بخشنے والا ہے اور تیرے سوا کوئی شفاء بخشنے والا نہیں ہے ایسی شفاجو بیماری کو جڑ سے اکھاڑ پھینکے۔
اس کے بعد میں تمہیں لیکر اٹھ گئی تمہارے ہاتھ بالکل صحیح ہوچکے تھے۔ (رواہ احمد بن حنبل وابویعلی وابن مندہ ابونعیم وابن عساکر)