٣٧٥٦٠۔۔۔ حضرت انس (رض) کی روایت ہے کہ حضرت ابوموسی (رض) اپنے گھر میں بیٹھے اور ان کے اس پاس لوگ جمع ہوگئے ابوموسیٰ (رض) نے لوگوں کو قرآن سنانا شروع کردیا رسول کریم (صلی اللہ علیہ وآلہ وسلم) کے پاس ایک شخص آیا اور عرض کیا : یارسول اللہ ! کیا میں آپ کو ابوموسیٰ کے متعلق عجیب بات نہ سناؤں چنانچہ وہ اپنے گھر میں بیٹھا ہے اور اس کے پاس لوگ جمع ہیں اور اس نے لوگوں کو قرآن سنانا شروع کردیا ہے رسول اللہ (صلی اللہ علیہ وآلہ وسلم) نے فرمایا : تم مجھے ایسی جگہ بٹھا سکتے ہو جہاں سے میں اسے دیکھ سکوں لیکن مجھے کوئی نہ دیکھ سکے ؟ اس شخص نے کہا : جی ہاں وہ شخص باہر نکل گیا اور رسول اللہ (صلی اللہ علیہ وآلہ وسلم) بھی اس کے ساتھ تھے پھر اس نے آپ کو ایسی جگہ بٹھایا جہاں سے اسے کوئی نہیں دیکھ سکتا تھا آپ نے ابوموسیٰ (رض) کی قرات سنی اور فرمایا : اسے تو لحن داؤدی سے حصہ عطا کیا گیا ہے۔ (رواہ ابویعلی وابن عساکر)