٣٧٥٩٥۔۔۔ ولید بن عبداللہ بن جمیع کہتے ہیں میری دادی نے مجھے ام روقہ بنت عبداللہ بن انصاری کی حدیث سنائی ہے کہ نبی کریم (صلی اللہ علیہ وآلہ وسلم) ام روقہ (رض) سے ملنے آتے تھے اور انھیں شہیدہ کہہ کر پکارتے تھے ام ورقہ (رض) نے پورا قرآن حفظ کر رکھا تھا جب رسول اللہ (صلی اللہ علیہ وآلہ وسلم) غزوہ بدر کے لیے تشریف لے گئے نے عرض کیا : یارسول اللہ (صلی اللہ علیہ وآلہ وسلم) آپ مجھے اجازت دیں تاکہ میں بھی آپ کے ساتھ جہاد میں شرکت کرسکوں زخمیوں کی دیکھ بھال کروں گی اور بیماروں کی تیمارداری کروں گی شاید اللہ تعالیٰ مجھے بھی شہادت سے سرفراز فرمادے۔ آپ نے فرمایا : اللہ تعالیٰ نے تمہیں شہادت عطا کرنی ہے رسول اللہ (صلی اللہ علیہ وآلہ وسلم) انھیں شہیدہ کے نام سے پکارتے تھے اور انھیں اجازت دے رکھی دے رکھی تھی کہ وہ اپنے گھر والوں کی امامت کرائیں ۔ ام ورقہ (رض) کا ایک غلام اور ایک لونڈی تھے ان سے اپنی وفات کے ساتھ مشروط آزادی کا وعدہ کررکھا تھا، چنانچہ حضرت عمر (رض) کے دور خلافت میں غلام اور باندی نے انھیں قتل کردیا۔ جب حضرت عمر (رض) کو خبر ہوئی کہنے لگے : اللہ اور اللہ کے رسول اللہ (صلی اللہ علیہ وآلہ وسلم) نے سچ فرمایا تھا کہ ہمارے ساتھ چلو ہم شہیدہ سے ملاقات کرنے جارہے ہیں۔ (رواہ ابن سعد وابن راھویہ و ابونعیم فی الحلیۃ والبیھقی ووروی ابوداود )
فائدہ :۔۔۔ عورت کی امامت دلائل قطیعہ سے مکروہ تحریمی ہے آپ (صلی اللہ علیہ وآلہ وسلم) نے ام روقہ کو اجازت دی یہاں ان کی خصوصیت تھی یا صرف نوافل کی حدتک تھی جو انہی کے ساتھ مخصوص ہے۔